ប្រធានាធិបតីអាមេរិក ដូណាល់ ត្រាំ បានព្រមានធ្វើអន្តរាគមន៍យោធាលើប្រទេសនីហ្សេរីយ៉ា ក្រោយក្រុមភេរវករវាយប្រហារលើគ្រិស្តបរិស័ទនិងប្រជាជនមូស្លីម។
ប្រភពពីសារព័ត៌មានAljazeera។
លោក ត្រាំ បានសរសេរនៅលើវេទិកា Truth Social របស់លោកកាលពីថ្ងៃសៅរ៍ថា ប្រសិនបើរដ្ឋាភិបាលនីហ្សេរីយ៉ាបន្តអនុញ្ញាតឱ្យមានការសម្លាប់គ្រិស្តបរិស័ទទីក្រុងវ៉ាស៊ីនតោននឹងកាត់ផ្តាច់ជំនួយទាំងអស់ដល់ប្រទេសអាហ្វ្រិកខាងលិចនេះភ្លាមៗ ដោយថែមទាំងគំរាមកំហែងថាសហរដ្ឋអាមេរិកនឹងធ្វើការអន្តរាគមន៍យោធា។
លោកបានមានប្រសាសន៍ថាខ្ញុំសូមណែនាំក្រសួងសង្គ្រាមរបស់យើងឱ្យត្រៀមខ្លួនសម្រាប់សកម្មភាពដែលអាចធ្វើទៅបាន។ ខណៈដែលក្រុមភេរវករកំពុងវាយប្រហារគ្រិស្តបរិស័ទដែលយើងស្រឡាញ់!។
គួរជម្រាបថា ប្រទេសនីហ្សេរីយ៉ា ដែលជាប្រទេសដែលមានប្រជាជនច្រើនជាងគេនៅទ្វីបអាហ្វ្រិក មានប្រជាជនប្រមាណ 220 លាននាក់ និងសាសនាធំៗពីរគឺ គ្រិស្តសាសនា និងឥស្លាមសាសនា។
គ្រិស្តសាសនាបានដើរតួនាទីយ៉ាងសំខាន់ក្នុងភាពជាអ្នកដឹកនាំរបស់ប្រទេសនេះ ដោយមានអតីតប្រធានាធិបតី និងមន្ត្រីជាន់ខ្ពស់មួយចំនួនធំមកពីសាវតារគ្រិស្តសាសនាផងដែរ។
ពួកគេនៅតែជាផ្នែកសំខាន់មួយនៃអត្តសញ្ញាណជាតិរបស់ប្រទេសនីហ្សេរីយ៉ា និងជីវិតសង្គម សេដ្ឋកិច្ច និងនយោបាយរបស់ខ្លួន៕