យន្តហោះដឹកទំនិញ UPS ប្រភេទ McDonnell Douglas MD-11 បានធ្លាក់ បន្ទាប់ពីហោះឡើងពីអាកាសយានដ្ឋានអន្តរជាតិ Louisville Muhammad Ali នៅរដ្ឋ Kentucky របស់អាមេរិក កាលពីថ្ងៃទី៤ ខែវិច្ឆិកា បណ្តាលឲ្យចំនួនអ្នកស្លាប់ កើនដល់7នាក់និងរបួស 11នាក់។
ប្រភពពីសារព័ត៌មានCNA នៅថ្ងៃទី៥ខែវិច្ឆិកា។
យន្តហោះនេះ បានផ្ទុះភ្លាមៗ បន្ទាប់ពីបាត់ការគ្រប់គ្រងនៅពេលកំពុងឡើងខ្ពស់។
ភ្លើង និងផ្សែងខ្មៅក្រាស់ៗបានហុយឡើងពីតំបន់ឧស្សាហកម្មជាប់ផ្លូវរត់យន្តហោះ ខណៈដែលអគារជាច្រើនត្រូវបានឆេះ។
អភិបាលរដ្ឋ Kentucky Andy Beshear បាននិយាយថាយើងបានបាត់បង់មនុស្សស្លាប់៣នាក់ ហើយខ្ញុំភ័យថាចំនួននោះអាចនឹងកើនឡើងបន្ថែមទៀត។ឥឡូវចំនួនអ្នកស្លាប់បានកើនដល់៧នាក់ហើយ និងមានអ្នករងរបួស ជាច្រើនដែលកំពុងទទួលការព្យាបាលនៅមន្ទីរពេទ្យក្នុង ស្រុក។
ក្រុមហ៊ុន UPS បានបញ្ជាក់ថា យន្តហោះនេះមាន សមាជិក នាវិកបីនាក់ នៅលើយន្តហោះ ហើយសន្មតថាពួកគេទាំងអស់ បានស្លាប់។
វីដេអូដែលបង្ហាញដោយប៉ុស្តិ៍ទូរទស្សន៍ WLKY (សាខារបស់ CBS) បង្ហាញឲ្យឃើញថា នៅពេលយន្តហោះកំពុងហោះ ឡើង ស្លាបម្ខាងមានភ្លើងឆេះ ហើយបន្ទាប់ពីប៉ុន្មានវិនាទី វា បានធ្លាក់ចុះទៅដី និងផ្ទុះជាដុំភ្លើងដ៏ធំ៕