ការផ្ទុះដ៏ខ្លាំងក្លាមួយនៅជិតស្ថានីយ៍រថភ្លើងក្រោមដី Red Fort ក្នុងទីក្រុងដេលី កាលពីល្ងាចថ្ងៃចន្ទ បានសម្លាប់មនុស្សយ៉ាងហោចណាស់ប្រាំបីនាក់ និងរបួស ២៤នាក់ផ្សេងទៀត។
នេះបើយោងតាមការចេញផ្សាយដោយ Aljazeera។
ការផ្ទុះនេះ បានកើតឡើងនៅពេលដែលវីដេអូថ្មីៗរបស់មេបញ្ជាការ Lashkar-e-Taiba (LeT) បានលេចចេញឡើង។
ដោយគំរាមកំហែងវាយប្រហារលើប្រទេសឥណ្ឌាពីក្រុមប្រតិបត្តិការដែលមានមូលដ្ឋាននៅប្រទេសបង់ក្លាដែស។
មន្ត្រីបាននិយាយថា ការផ្ទុះនេះបានបំផ្លាញយានយន្តជាច្រើនគ្រឿង និងបានបង្កឱ្យមានការភ័យស្លន់ស្លោ ឆ្លងកាត់តំបន់បេតិកភណ្ឌដ៏មមាញឹកបំផុតមួយរបស់ទីក្រុង។
យោងតាមប៉ុស្តិ៍ទូរទស្សន៍ India Today ផ្សាយថា កងកម្លាំងសន្តិសុខព្រំដែន បានបង្កើនការប្រុងប្រយ័ត្ន និងបង្កើនការល្បាតដើម្បីការពារការគំរាមកំហែងដែលអាចកើតមាន។
កាលពីល្ងាចថ្ងៃចន្ទ មានការបំផ្ទុះគឺនៅក្នុងសង្កាត់ Old Delhi នៃរដ្ឋធានីឥណ្ឌា ដែលពេញនិយមសម្រាប់អ្នកទេសចរក្នុងទីក្រុងញូវដេលី។
ក្នុងហេតុការណ៍នេះ មនុស្សជាង ១០ នាក់ស្លាប់ និងជិត ២០នាក់ រងរបួស។ មូលហេតុនៃការបំផ្ទុះនេះ មិនទាន់ត្រូវបានដឹងនៅឡើយទេ។ ប៉ូលីស កំពុងស៊ើបអង្កេតហេតុការណ៍នេះ៕