យោងតាមអ្នកយកព័ត៌មាន Al Jazeera នៅក្នុងទឹកដីប៉ាឡេស្ទីន ដែលត្រូវបានឡោមព័ទ្ធ បានឱ្យដឹងថាយ៉ាងហោចណាស់មានមនុស្សពីរនាក់ត្រូវបានសម្លាប់ នៅក្នុងការវាយប្រហារដោយយន្តហោះគ្មានមនុស្សបើករបស់អ៊ីស្រាអែល នៅភាគខាងកើតនៃ Khan Younis ភាគខាងត្បូងនៃតំបន់ហ្គាហ្សា។
នេះបើយោងតាមការចេញផ្សាយដោយ Aljazeera។
ក្រុមហាម៉ាសបានថ្កោលទោស “ការរំលោភបំពានប្រចាំថ្ងៃ និងជាបន្តបន្ទាប់” របស់អ៊ីស្រាអែល ចាប់តាំងពីបទឈប់បាញ់បានចូលជាធរមានកាលពីខែមុន។
ដោយចោទប្រកាន់ថា ខ្លួនបានរក្សាយុទ្ធនាការទម្លាក់គ្រាប់បែក និងការបំផ្លាញនៅទូទាំងតំបន់ដែលត្រូវបានឡោមព័ទ្ធ។
នៅក្នុងសេចក្តីថ្លែងការណ៍មួយដែលបានចេញផ្សាយនៅលើ Telegram កាលពីថ្ងៃចន្ទ ក្រុមនេះបាននិយាយថា ការវាយប្រហាររបស់អ៊ីស្រាអែល បានសម្លាប់មនុស្ស ២៧១នាក់ ។
ដែលជាង ៩០ ភាគរយនៃពួកគេជាជនស៊ីវិល និង ៦២២ នាក់ផ្សេងទៀតបានរងរបួសចាប់តាំងពីបទឈប់បាញ់ចូលជាធរមាននៅថ្ងៃទី ១០ ខែតុលា។
ជាមួយគ្នានោះ កងកម្លាំងអ៊ីស្រាអែលក៏បានបំផ្លាញផ្ទះសម្បែងជាប្រព័ន្ធនៅក្នុងអ្វីដែលគេហៅថា “ខ្សែលឿង” ដែលជាព្រំដែនដកថយបណ្តោះអាសន្នដែលបានព្រមព្រៀងគ្នានៅក្នុងបទឈប់បាញ់៕