ប្រធានាធិបតីសហរដ្ឋអាមេរិក លោក Donald Trump បានសរសេរលិខិតមួយទៅកាន់ប្រធានាធិបតីអ៊ីស្រាអែល លោក Isaac Herzog ។
ដោយអំពាវនាវឱ្យលោកផ្តល់ការលើកលែងទោសដល់នាយករដ្ឋមន្ត្រី Benjamin Netanyahu ដែលកំពុងប្រឈមមុខ នឹងសំណុំរឿងពុករលួយបីករណីនៅតុលាការ។
ប្រភពពីសារព័ត៌មានCNN នៅថ្ងៃទី 12 ខែវិច្ឆិកា ឆ្នាំ2025
ក្នុងលិខិតដែលបានចែកចាយតាម រយៈអ្នកនាំពាក្យរបស់សាលាប្រធានាធិបតីអ៊ីស្រាអែល លោក Trump បានសរសេរថាខ្ញុំសូមអំពាវនាវឱ្យលោកប្រធានាធិបតីលើកលែងទោស លោក Benjamin Netanyahu យ៉ាងពេញលេញ។
លោកគឺជាអ្នកដឹកនាំដ៏រឹងមាំក្នុងសម័យសង្គ្រាមហើយ ឥឡូវនេះកំពុងដឹកនាំអ៊ីស្រាអែលចូលទៅសម័យសន្តិភាព។
សម្រាប់ប្រធានាធិបតីបរទេសទូទៅ ការសរសេរលិខិត បែបនេះត្រូវបានចាត់ទុកថា ជាការអន្តរាគមន៍មិនធម្មតា ក្នុង នយោបាយក្នុងស្រុករបស់ប្រទេសមួយទៀត។
ទោះជាយ៉ាងណា សម្រាប់លោក Trump វាតំណាងឱ្យ សញ្ញានៃការគាំទ្រដែលបន្តរបស់គាត់ចំពោះសម្ព័ន្ធមិត្តជិតស្និទ្ធ បំផុតម្នាក់នៅអ៊ីស្រាអែល។
លោក Netanyahu ត្រូវបានចោទប្រកាន់ពីបទក្លែងបន្លំ ការទទួលសូកប៉ាន់ និងការរំលោភលើការជឿទុកចិត្ត។
លោកបាន បដិសេធការចោទទាំងអស់ ហើយថាគឺជាការប្រឆាំងនយោបាយ៕