រដ្ឋមន្ត្រីការបរទេសកាណាដា បានប្រកាសពីទណ្ឌកម្មថ្មីកាលពីថ្ងៃពុធ ទី១២ ខែវិច្ឆិកា ដែលផ្តោតលើការផលិតដ្រូននិងថាមពលរបស់រុស្ស៊ី ខណៈដែលលោកស្រីបានធ្វើជាម្ចាស់ផ្ទះទទួលសមភាគីអ៊ុយក្រែននៅក្នុងកិច្ចប្រជុំ G7 ដែលមានគោលបំណងបង្កើនសម្ពាធលើទីក្រុងមូស្គូ។
ប្រភពពីសារព័ត៌មាន CNA។
ទណ្ឌកម្មនេះ ក៏នឹងមានវិសាលភាពលើរចនាសម្ព័ន្ធ ដែលកាណាដានិយាយថាត្រូវបានប្រើប្រាស់ សម្រាប់ការវាយប្រហារព័ត៌មានវិទ្យាលើអ៊ុយក្រែនផងដែរ រួមទាំងទៅលើកងនាវាចររុស្ស៉ី ដែលត្រូវបានចោទប្រកាន់ថា បានជួយដឹកជញ្ជូនប្រេងនាំចេញរបស់រុស្ស៉ី ប្រឆាំងទណ្ឌកម្មពិភពលោក។
លោកស្រី Anita Anand បានប្រាប់ក្រុមអ្នកយកព័ត៌មាន រួមជាមួយរដ្ឋមន្រ្តីការបរទេសអ៊ុយក្រែន លោក Andriy Sybiha យ៉ាងដូច្នេះថាកាណាដានឹងបន្តធានា មិនឱ្យសកម្មភាពរបស់រុស្ស៉ីដំណើរការបានទៅ ដោយគ្មានការដាក់ទណ្ឌកម្មនោះឡើយ។
គួរជម្រាបថា កិច្ចការពិភពលោកកាណាដាបាននិយាយនៅក្នុងសេចក្តីថ្លែងការណ៍មួយដែលរៀបរាប់លម្អិតអំពីវិធានការទាំងនេះ។ វិធានការទាំងនេះគឺជាផ្នែកមួយនៃ «កិច្ចខិតខំប្រឹងប្រែងជាបន្តបន្ទាប់ដោយក្រុមប្រទេស G7 ដើម្បីបង្កើនសម្ពាធសេដ្ឋកិច្ចលើប្រទេសរុស្ស៊ីឱ្យបញ្ចប់សង្គ្រាមរបស់ខ្លួន៕