អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) បានចោទប្រកាន់អ៊ីស្រាអែល ថាកំពុងធ្វើឲ្យកិច្ចខិតខំប្រឹងប្រែង មនុស្សធម៌នៅហ្គាហ្សាចុះខ្សោយនិងបន្តរារាំងការចូលរបស់ជំនួយសង្គ្រោះសូម្បីតែមានបទឈប់បាញ់ដែលតម្រូវឲ្យមានទំនិញជួយមនុស្សធម៌ចូលក៏ដោយ។
ប្រភពពីសារព័ត៌មានAl Jazeera កាលពីថ្ងៃទី14 វិច្ឆិកា 2025។
ក្នុងពេល ដែលប្រជាជនប៉ាឡេស្ទីនជាង 2 លាននាក់កំពុងរងទុក្ខលំបាកការធ្លាក់ភ្លៀងខ្លាំងនិងរដូវរងាដែលកំពុងឈានមកដល់បានបង្កើនការព្រួយបារម្ភអំពីគ្រោះមហន្តរាយមនុស្សធម៌ដ៏ធំមួយ។
រូបភាពពីជំរំភៀសខ្លួនថ្មីមួយនៅ Nuseirat, ដែលបង្កើតឡើងដោយអេហ្ស៊ីប បង្ហាញ កុមារហ្គាហ្សាច្រើនកំពុងលេងលើដីកខ្វក់ក្រោមតង់បណ្តោះអាសន្ន ខណៈគ្មានទឹកស្អាត ភ្លើង ឬសម្ភារៈសម្រាប់ការកំដៅ។
លោក Philippe Lazzarini អគ្គស្នងការ UNRWA បានថ្លែងនៅមហាសន្និបាតអង្គការសហប្រជាជាតិ ថា ប្រតិបត្តិការរបស់គណៈកម្មាធិការនេះ ត្រូវបានការពារក្រោមច្បាប់អន្តរជាតិហើយមានតួនាទីសំខាន់សម្រាប់ជីវិតប្រជាជនប៉ាឡេស្ទីនរាប់លាននាក់។អ៊ីស្រាអែលបន្តហាមឃាត់ UNRWA មិនឱ្យប្រតិបត្តិការនៅលើទឹកដីរបស់ខ្លួន ដោយអះអាងថាបុគ្គលិករបស់ទីភ្នាក់ងារមួយចំនួនបានចូលរួមក្នុងការវាយប្រហារដឹកនាំដោយហាម៉ាសនៅថ្ងៃទី 7 តុលា 2023។
ទោះយ៉ាងណា UN និងប្រទេសផ្តល់ជំនួយជាច្រើនបានបញ្ជាក់ថា អ៊ីស្រាអែលមិនធ្លាប់ផ្តល់ភស្តុតាងលើការចោទប្រកាន់ទាំងនេះឡើយ។
ការចោទប្រកាន់ដែលគ្មានអធិប្បាយនេះ បានក្លាយជាឧបសគ្គសំខាន់បំផុតចំពោះជំនួយមនុស្សធម៌ទៅកាន់ជនរងគ្រោះជាង 2 លាននាក់នៅហ្គាហ្សា។ការរារាំងជំនួយរបស់អ៊ីស្រាអែល និងការខ្វះខាតថវិការបស់ UNRWA បានបង្កើតភាពស្មុគស្មាញជាបន្តបន្ទាប់ សូម្បីតែមានបទឈប់បាញ់ក៏ដោយ៕