តំណាងពាណិជ្ជកម្មសហរដ្ឋអាមេរិក បានផ្ញើលិខិតមួយជូនដល់ថៃ ដើម្បីជូនដំណឹងពីការផ្អាកកិច្ចចរចាពន្ធគយ រហូតទាល់តែថៃ អនុវត្តពេញលេញតាមកិច្ចព្រមព្រៀងសន្តិភាពជាមួយកម្ពុជា។
ដែលប្រធានាធិបតីអាមេរិក ត្រាំ ធ្វើជាសាក្សី។
ប្រភពពីKhaosod នៅថ្ងៃទី១៥ ខែវិច្ឆិកា ឆ្នាំ២០២៥។
លោក Nikorndej Balankura អ្នកនាំពាក្យក្រសួងការបរទេសថៃ បានធ្វើបទបង្ហាញខ្លីស្ដីពីស្ថានការណ៍វិវត្តន៍ចុងក្រោយនៅក្នុងស្ថានភាពព្រំដែនរវាងកម្ពុជា.ថៃ។
លោកបានសម្គាល់ថា កាលពីថ្ងៃសុក្រ ម្សិលមិញនេះ មានកិច្ចសន្ទនាតាមទូរស័ព្ទរវាងនាយករដ្ឋមន្ត្រីថៃ និងប្រធានាធិបតីអាមេរិក លោក ដូណាល់ ត្រាំ។
តាមលោក Nikorndej កាលពីយប់ថ្ងៃសុក្រ ថៃទទួលបានការជូនដំណឹងពីតំណាងរងពាណិជ្ជកម្មអាមេរិក ថា ភាគីអាមេរិក បានផ្អាកជាបណ្ដោះអាសន្ននូវកិច្ចចរចាពាណិជ្ជកម្មរវាងសហរដ្ឋអាមេរិក និងថៃ។
កិច្ចចរចាអាចចាប់ផ្ដើមឡើងវិញ នៅភាគីថៃប្ដេជ្ញាចិត្តចំពោះការអនុវត្តយ៉ាងពេញលេញតាមកិច្ចព្រមព្រៀងសន្តិភាពជាមួយកម្ពុជា។
អាមេរិកសង្ឃឹមថា នឹងមានដំណោះស្រាយមួយក្នុងពេលឆាប់ខាងមុខ។
នាយករដ្ឋមន្ត្រីថៃ លោក Anutin Charnvirakul កាលពីថ្មីៗនេះបានប្រកាសផ្អាកកិច្ចព្រមព្រៀងសន្តិភាពទាំងអស់ជាមួយកម្ពុជា។
ដោយលោកអះអាងថា ថៃនឹងមិនខ្វល់ជាមួយសហរដ្ឋអាមេរិក នឹងយកពន្ធគយកម្រិតណាពីថៃនោះទេ ហើយថា លោកនឹងធ្វើអ្វីៗដើម្បីផលប្រយោជន៍សម្រាប់ថៃ៕