ក្រសួងសុខាភិបាលហ្គាហ្សាបាននិយាយកាលពីថ្ងៃសៅរ៍ទី១៥ខែវិច្ឆិកា ថាខ្លួនបានទទួលសាកសពជនជាតិប៉ាឡេស្ទីនចំនួន ១៥ នាក់បន្ថែមទៀតពីអ៊ីស្រាអែលតាមរយៈគណៈកម្មាធិការអន្តរជាតិនៃកាកបាទក្រហម (ICRC) ក្រោមកិច្ចព្រមព្រៀងឈប់បាញ់។
ប្រភពពីសារព័ត៌មានAljazeera។
សេចក្តីថ្លែងការណ៍របស់ក្រសួងបាននិយាយថា ការផ្ទេរថ្មីនេះបានធ្វើឱ្យចំនួនសាកសពប៉ាឡេស្ទីនដែលអ៊ីស្រាអែលប្រគល់មកវិញមានចំនួន ៣៣០ ចាប់តាំងពីបទឈប់បាញ់ចូលជាធរមាននៅថ្ងៃទី ១០ ខែតុលា។
រហូតមកដល់ពេលនេះ ក្រុមកោសល្យវិច្ច័យបានកំណត់អត្តសញ្ញាណសាកសពចំនួន ៩៧ ហើយកំពុងបន្តការពិនិត្យ ស្របតាមនីតិវិធី និងពិធីសារវេជ្ជសាស្ត្រដែលបានអនុម័តមុនពេលសាកសពត្រូវបានកត់ត្រា និងប្រគល់ជូនក្រុមគ្រួសារ នេះបើយោងតាមក្រសួង។
អាជ្ញាធរប៉ាឡេស្ទីនបាននិយាយថា សាកសពជាច្រើនដែលអ៊ីស្រាអែលប្រគល់ជូនបានបង្ហាញសញ្ញានៃការរំលោភបំពាន រួមទាំងការវាយដំ ដៃចង បិទភ្នែក និងខូចទ្រង់ទ្រាយមុខ ហើយត្រូវបានប្រគល់មកវិញដោយគ្មានឈ្មោះ៕