សហរដ្ឋអាមេរិក បានអនុវត្តការវាយប្រហារមួយទៀត លើទូកមួយដែលសង្ស័យថា មានពាក់ព័ន្ធនឹងការរត់ពន្ធគ្រឿងញៀន នៅក្នុងប៉ាស៊ីហ្វិកខាងកើត កាលពីថ្ងៃសៅរ៍ បណ្តាលឱ្យមនុស្សបីនាក់នៅលើទូកស្លាប់។ ការប្រកាសនេះ ត្រូវបានផ្ដល់ដោយ មន្ទីរបញ្ចកោណកាលពីថ្ងៃអាទិត្យ។
ប្រភពពីសារព័ត៌មានReuters នៅថ្ងៃទី 17 ខែវិច្ឆិកា 2025។
តាមរបាយការណ៍របស់ ទីបញ្ជាការភាគខាងត្បូងសហរដ្ឋអាមេរិក ស៊ើបការណ៍សម្ងាត់បានបញ្ជាក់ថា ទូកដែលត្រូវបានវាយប្រហារនេះ ជាសមាសភាគមួយនៃបណ្តាញដឹកជញ្ជូនគ្រឿងញៀនខុសច្បាប់ តាមផ្លូវជួញដូរគ្រឿងញៀនដែលគេស្គាល់ និងដឹកគ្រឿងញៀន។
តំបន់ដែលទូកស្ថិតនៅ គឺជាសមុទ្រអន្តរជាតិ នៅពេលដែលកងកម្លាំងពិសេស Southern Spear បានចូលរួមអនុវត្តប្រតិបត្តិការ។
យោងតាមមន្ទីរបញ្ចកោណ នេះជាការវាយប្រហារលើកទី 21 ចំពោះទូកដឹកគ្រឿងញៀន តាំងពីដើមខែកញ្ញា។ ប្រតិបត្តិការទាំងនេះ ដែលរដ្ឋបាលលោក Trump ហៅថាជាការខិតខំប្រឹងប្រែងត្រឹមត្រូវក្នុងការរំខានដល់លំហូរគ្រឿងញៀន ដែលបានសម្លាប់មនុស្ស80នាក់រួចមកហើយ៕