ប្រធានាធិបតីអ៊ុយក្រែន លោក Volodymyr Zelenskyy កាលពីថ្ងៃចន្ទទី១៧ខែវិច្ឆិកា បានមានប្រសាសន៍ថា ប្រទេសរបស់លោកបានដាក់ការបញ្ជាទិញយន្តហោះចម្បាំង Dassault Rafale ចំនួន100 គ្រឿងពីប្រទេសបារាំង។
ប្រភពពីសារព័ត៌មានAljazeera។
លោក Zelenskyy បានប្រាប់អ្នកសារព័ត៌មានភ្លាមៗបន្ទាប់ពីការចុះហត្ថលេខាលើសេចក្តីប្រកាសជាមួយលោក Macron នេះបើយោងតាមទីភ្នាក់ងារសារព័ត៌មានរដ្ឋ Ukrinform។
ការចុះហត្ថលេខាលើឯកសារនេះ ដែលមានគោលបំណងជំរុញកិច្ចសហប្រតិបត្តិការការពារជាតិទ្វេភាគី ជាពិសេសទាក់ទងនឹងការទិញយកឧបករណ៍ការពារជាតិរបស់ទីក្រុងគៀវ បានធ្វើឡើងនៅឯមូលដ្ឋានទ័ពអាកាស Velizy-Villacoublay ដែលមានទីតាំងនៅជិតទីក្រុងប៉ារីស។
ថ្លែងនៅក្នុងសន្និសីទសារព័ត៌មានរួមគ្នាជាមួយលោក Macron នៅរដ្ឋធានីបារាំង លោក Zelenskyy បានពិពណ៌នាអំពីកិច្ចព្រមព្រៀងនេះថាជាកិច្ចព្រមព្រៀង ប្រវត្តិសាស្ត្រ។
លោកបានបន្តថ្លែងអំណរគុណដល់សមភាគីបារាំងរបស់លោកចំពោះកញ្ចប់ការពារជាតិថ្មីដែលកំពុងត្រូវបានរៀបចំនៅចុងឆ្នាំនេះ។ លោកមិនបានផ្តល់ព័ត៌មានលម្អិតបន្ថែមលើប្រធានបទនេះទេ ប៉ុន្តែបាននិយាយថា កញ្ចប់ដែលបានរៀបរាប់ខាងលើក៏ពង្រឹងប្រទេសអ៊ុយក្រែនផងដែរ៕