អាជ្ញាធរនៅទីក្រុងម៉ិកស៊ិក បានចាប់ខ្លួនមនុស្សយ៉ាងហោចណាស់១៨នាក់ បន្ទាប់ពីធ្វើបាតុកម្មធំមួយនៅចុងសប្ដាហ៍ ដែលបាតុករបានហែក្បួនប្រឆាំងនឹងវិបត្តិអសន្តិសុខ និងអំពើឧក្រិដ្ឋកម្មហិង្សា ដែលកំពុងរាលដាលនៅទូទាំងប្រទេស។
ប្រភពពីសារព័ត៌មានAnadolu Agency កាលពី18 វិច្ឆិកា 2025។
ក្នុងសន្និសីទសារព័ត៌មានថ្ងៃចន្ទ លោកស្រី Bertha Alcalde Lujan អគ្គព្រះរាជអាជ្ញាក្រុងម៉ិកស៊ិក បានបញ្ជាក់ថា អ្នកត្រូវបានចាប់ខ្លួនជាច្រើនត្រូវបានចោទប្រកាន់ពីបទធ្វើឲ្យខូចខាតទ្រព្យសម្បត្តិឯកជន,ការវាយប្រហារ,ប៉ុនប៉ងឃាតកម្ម,រហូតដល់ការប្លន់។
ក្នុងចំណោមអ្នកដែលត្រូវបានចាប់ខ្លួន មាន៣ នាក់ កំពុងត្រូវបានស៊ើបអង្កេតពីបទ ប៉ុនប៉ងឃាតកម្ម,៥ នាក់ ពីបទប្រឆាំងការចាប់ខ្លួន,២ នាក់ ពីបទប្លន់ និងវាយប្រហារ,៨ នាក់ ពីបទវាយដំ និងវាយប្រហារ៕