តុលាការកំពូលរបស់ប្រទេសអ៊ីតាលី បានអនុម័តការធ្វើបត្យាប័នទៅកាន់ប្រទេសអាល្លឺម៉ង់ចំពោះបុរសជនជាតិអ៊ុយក្រែនម្នាក់ ដែលសង្ស័យថាពីបទបំផ្លិចបំផ្លាញបំពង់បង្ហូរឧស្ម័ន Nord Stream រវាងប្រទេសរុស្ស៊ី និងអឺរ៉ុបក្នុងឆ្នាំ 2022។
ប្រភពពីសារព័ត៌មានAljazeera។
ជនសង្ស័យឈ្មោះ Serhii Kuznietsov អាយុ 49 ឆ្នាំ បានសារភាពថា ខ្លួនជាផ្នែកមួយនៃក្រុមអ្នកបំផ្លិចបំផ្លាញដែលត្រូវបានចោទប្រកាន់ពីបទដាក់គ្រឿងផ្ទុះនៅលើបំពង់បង្ហូរឧស្ម័នក្រោមទឹកនៅក្នុងសមុទ្របាល់ទិក ដែលកាត់ផ្តាច់ការផ្ទេរឧស្ម័នភាគច្រើនរបស់រុស្ស៊ីទៅកាន់អឺរ៉ុប និងជំរុញឱ្យមានការខ្វះខាតការផ្គត់ផ្គង់នៅលើទ្វីបអឺរ៉ុប។
គួរជម្រាបថា ជនសង្ស័យ ដែលជាអតីតមន្ត្រីយោធាអ៊ុយក្រែន បានបដិសេធនៅក្នុងការវាយប្រហារនេះ ហើយបានប្រឆាំងនឹងការប៉ុនប៉ងបញ្ជូនរូបគេទៅប្រទេសអាល្លឺម៉ង់ ចាប់តាំងពីគាត់ត្រូវបានឃុំខ្លួនតាមដីកាចាប់ខ្លួនរបស់អឺរ៉ុបនៅក្នុងទីក្រុង Rimini ប្រទេសអ៊ីតាលី ជាកន្លែងដែលគាត់កំពុងវិស្សមកាលជាមួយក្រុមគ្រួសាររបស់គាត់ កាលពីខែសីហា៕