កាលពីថ្ងៃព្រហស្បតិ៍ទី២០ខែវិច្ឆិកា ប៉ូលីសចក្រភពអង់គ្លេស បានធ្វើការចាប់ខ្លួនមនុស្សមួយចំនួន នៅខាងក្រៅក្រសួងយុត្តិធម៌ក្នុងទីក្រុងឡុងដ៍ បន្ទាប់ពីក្រុមបាតុករបានធ្វើបាតុកម្មប្រឆាំងនឹងការសម្រេចចិត្តរបស់រដ្ឋាភិបាលក្នុងការហាមឃាត់ក្រុមសកម្មជន Palestine Action។
ប្រភពពីសារព័ត៌មានReuters។
ក្រុមបាតុករបានកាន់បដាដែលសរសេរថា៖ខ្ញុំប្រឆាំងនឹងការប្រល័យពូជសាសន៍។ ខ្ញុំគាំទ្រ Palestine Action»។
យ៉ាងណាមិញ ប៉ូលីសមិនទាន់បានបញ្ជាក់ថាមានមនុស្សប៉ុន្មាននាក់ត្រូវបានឃុំខ្លួននៅទីក្រុងឡុងដ៍ទេ។
ការតវ៉ានេះត្រូវបានរៀបចំឡើងដោយ Defend Our Juries ដែលកំពុងធ្វើបាតុកម្មនៅក្នុងទីក្រុងចំនួន 18 ចាប់ពីថ្ងៃទី 18-29 ខែវិច្ឆិកា ដោយទាមទារឱ្យមានការលើកលែងការហាមឃាត់នេះ។
Palestine Action ត្រូវបានហាមឃាត់នៅថ្ងៃទី 5 ខែកក្កដា ក្រោមច្បាប់ប្រឆាំងភេរវកម្ម បន្ទាប់ពីការវាយប្រហារដែលត្រូវបានចោទប្រកាន់លើទីតាំងរបស់ក្រុមហ៊ុនការពារជាតិដែលមានមូលដ្ឋាននៅចក្រភពអង់គ្លេស និងការខូចខាតដល់យន្តហោះយោធាពីរគ្រឿងនៅ RAF (កងទ័ពអាកាសរាជវង្ស) Brize Norton។
គួរបញ្ជាក់ថា ការសវនាការនៅតុលាការត្រូវបានគ្រោងទុកនៅចុងខែវិច្ឆិកាខាងមុខនេះ៕