ភាពស្ងប់ស្ងាត់បានវិលត្រឡប់មក Simara ដែលជាទីក្រុងមួយក្នុងស្រុក Bara ភាគខាងត្បូងប្រទេសនេប៉ាល់ ចម្ងាយប្រហែល 100 គីឡូម៉ែត្រ (62 ម៉ាយ) ភាគខាងត្បូងនៃទីក្រុង Kathmandu មួយថ្ងៃបន្ទាប់ពីការប៉ះទង្គិចគ្នារវាងក្រុមបាតុករ។
ប្រភពពីសារព័ត៌មានReuters។
ប៉ូលិសបានឱ្យដឹង ការប៉ះទង្គិចនេះ បានកើតឡើងរវាងសមាជិកក្រុមGen Zនិងអ្នកគាំទ្រគណបក្សកុម្មុយនីស្តនេប៉ាល់ (CPN-UML) របស់អតីតនាយករដ្ឋមន្ត្រី ខេ ភី សាម៉ា អូលី (KP Sharma Oli) ដែលត្រូវបានទម្លាក់ពីអំណាច។
លោកស្រី ស៊ូស៊ីឡា កាគី (Sushila Karki) អតីតប្រធានតុលាការកំពូលដែលត្រូវបានតែងតាំងជានាយករដ្ឋមន្ត្រីស្តីទី បានអំពាវនាវឱ្យគ្រប់ភាគីចៀសវាងការញុះញង់នយោបាយ និងទុកចិត្តលើដំណើរការប្រជាធិបតេយ្យ មុនការបោះឆ្នោតដែលគ្រោងធ្វើនៅថ្ងៃទី៥ ខែមីនា ឆ្នាំ២០២៦។
នៅក្នុងសេចក្តីថ្លែងការណ៍មួយ លោកស្រីបានបញ្ជាក់ថា «ខ្ញុំបានណែនាំដល់រដ្ឋបាលមហាផ្ទៃ និងទីភ្នាក់ងារសន្តិសុខឱ្យធ្វើការដោយការអត់ធ្មត់បំផុត និងត្រៀមលក្ខណៈដើម្បីរក្សាសន្តិភាព និងសណ្តាប់ធ្នាប់។
គួរបញ្ជាក់ថា បាតុកម្មកាលពីខែកញ្ញា ដែលបង្កឡើងដោយការខឹងសម្បារចំពោះការហាមឃាត់ប្រព័ន្ធផ្សព្វផ្សាយសង្គមរបស់អតីតរដ្ឋាភិបាល បានបណ្តាលឱ្យមនុស្សយ៉ាងហោចណាស់ ៧៦នាក់ស្លាប់។ លោកស្រី កាគី បានប្រាប់តំណាងគណបក្សជាង ១១០ នៅក្នុងកិច្ចប្រជុំមួយកាលពីថ្ងៃពុធថាយើងចង់ឱ្យប្រទេសនេះស្ថិតនៅក្នុងដៃរបស់មនុស្សជំនាន់ថ្មី និងត្រូវបានគ្រប់គ្រងដោយមនុស្សដែលមានចក្ខុវិស័យ៕