កងទ័ពអ៊ីស្រាអែលបាននិយាយកាលពីថ្ងៃសុក្រទី២១ខែវិច្ឆិកា ថាខ្លួនបានសម្លាប់ជនជាតិប៉ាឡេស្ទីនចំនួនប្រាំនាក់នៅក្នុងទីក្រុងរ៉ាហ្វា ភាគខាងត្បូងហ្គាហ្សាដែលអ៊ីស្រាអែលកាន់កាប់នៅក្នុងតំបន់នោះ ក្រោមកិច្ចព្រមព្រៀងឈប់បាញ់។
នេះបើយោងតាមការចេញផ្សាយដោយ Anadolu Agency។
នៅក្នុងសេចក្តីថ្លែងការណ៍មួយ កងទ័ពបានអះអាងថា កងកម្លាំងរបស់ខ្លួនមកពីក្រុមប្រយុទ្ធ Nahal Brigade បានរកឃើញបុរសចំនួនប្រាំនាក់កំពុងចេញពីក្រោមដីនៅភាគខាងកើតរ៉ាហ្វា នៅភាគខាងត្បូងនៃតំបន់ហ្គាហ្សា។
ទីក្រុងរ៉ាហ្វាស្ថិតនៅក្នុងតំបន់ដែលកាន់កាប់ដោយកងទ័ពអ៊ីស្រាអែលនៅខាងកើតនៃអ្វីដែលត្រូវបានគេស្គាល់ថាជា ខ្សែលឿងដូចដែលបានចែងនៅក្នុងកិច្ចព្រមព្រៀងឈប់បាញ់ដែលបានចូលជាធរមាននៅថ្ងៃទី 10 ខែតុលា៕