ហ៊្សកដានី បាននិយាយកាលពីថ្ងៃពុធទី២៦ខែវិច្ឆិកា ថា មនុស្សពីរនាក់ត្រូវបានសម្លាប់នៅក្នុងប្រតិបត្តិការសន្តិសុខមួយដែលផ្តោតលើជនល្មើសនៅភាគខាងជើងខេត្ត Irbid។
ប្រភពពីសារព័ត៌មានAANews។
កងកម្លាំងសន្តិសុខពិសេសមួយបានឆ្មក់ចូលទីតាំងមួយនៅល្ងាចថ្ងៃអង្គារនៅក្នុងស្រុក Al-Ramtha ជាកន្លែងដែលបុគ្គលជ្រុលនិយមពីរនាក់កំពុងជ្រកកោន នេះបើយោងតាមនាយកដ្ឋានសន្តិសុខសាធារណៈរបស់ក្រសួងមហាផ្ទៃ។
ជនសង្ស័យ ដែលជាបងប្អូនបង្កើត បានបើកការបាញ់ប្រហារយ៉ាងខ្លាំងទៅលើបុគ្គលិកសន្តិសុខ ដែលធ្វើឱ្យសមាជិកកងកម្លាំងបីនាក់រងរបួស។នាយកដ្ឋានបាននិយាយថា ជនល្មើសទាំងពីរនាក់ត្រូវបានសម្លាប់។
គួរបញ្ជាក់ផងថា រដ្ឋមន្ត្រីក្រសួងកិច្ចការប្រព័ន្ធផ្សព្វផ្សាយ និងទំនាក់ទំនង និងជាអ្នកនាំពាក្យរដ្ឋាភិបាលហ្ស៊កដានី លោក Mohammad Al-Momani បាននិយាយនៅលើវេទិកា X របស់សហរដ្ឋអាមេរិកថា “ព័ត៌មានលម្អិតបន្ថែមនឹងត្រូវបានប្រកាសដោយអាជ្ញាធរសន្តិសុខដែលមានសមត្ថភាព នៅពេលដែលប្រតិបត្តិការបញ្ចប់”៕