ចំនួនអ្នកស្លាប់ដោយសារទឹកជំនន់ដ៏ធ្ងន់ធ្ងរនៅភាគខាងត្បូងប្រទេសថៃ បានកើនដល់១៦២ នាក់ កាលពីនៅថ្ងៃសៅរ៍ទៅ២៩ខែវិច្ឆិកា ខណៈមានគ្រួសារជាងមួយលានគ្រួសារនៅទូទាំងប្រទេសរងផលប៉ះពាល់ នេះបើយោងតាមប្រព័ន្ធផ្សព្វផ្សាយក្នុងស្រុក។
ប្រភពពីសារព័ត៌មានAANews។
អ្នកនាំពាក្យរដ្ឋាភិបាល លោក សុីរិផុង អាងកាសាគល់គាត Siripong Angkasakulkiat បាននិយាយកាលពីថ្ងៃសៅរ៍ថា ចំនួនអ្នកស្លាប់ដោយសារទឹកជំនន់នៅក្នុងខេត្ត សុងក្លា Songkhla តែមួយបានកើនឡើងដល់១២៦នាក់ នេះបើយោងតាម Thai PBS។
ទឹកជំនន់ ដែលជាគ្រោះមហន្តរាយបំផុតក្នុងរយៈពេល ២៥ ឆ្នាំ បានធ្វើឱ្យមនុស្សរាប់ពាន់នាក់ជាប់គាំងនៅក្នុងផ្ទះរបស់ពួកគេនៅសប្តាហ៍នេះ ដោយនាយករដ្ឋមន្ត្រីថៃ Anutin Charnvirakul បានសន្យាផ្តល់សំណងជាប្រាក់សម្រាប់អ្នកស្លាប់ម្នាក់ៗ។
លោក Teerapat Kachamat អគ្គនាយកនៃនាយកដ្ឋានបង្ការ និងកាត់បន្ថយគ្រោះមហន្តរាយ បាននិយាយកាលពីថ្ងៃព្រហស្បតិ៍ថា ទឹកជំនន់កំពុងប៉ះពាល់ដល់ស្រុកចំនួន ១០៥ នៅទូទាំងខេត្តភាគខាងត្បូងចំនួនប្រាំបួន ដែលប៉ះពាល់ដល់គ្រួសារជាង ១,០៧ លានគ្រួសារ និងមនុស្សជាង ២,៩ លាននាក់។
ក្រុមឆ្លើយតបបន្ទាន់ត្រូវបានបញ្ជូនទៅជួយជម្លៀស ដឹកជញ្ជូនអាហារ និងទឹក ព្រមទាំងផ្គត់ផ្គង់ផ្ទះបាយចល័ត អង្គភាពចម្រោះទឹក និងទូកជួយសង្គ្រោះ៕