ប្រធានាធិបតី Donald Trump បានបញ្ជាក់កាលពីថ្ងៃអង្គារ ទី២ខែវិច្ឆិកា ថាមិត្តភាពរវាងខ្លួននិង លោក Elon Musk មិនទាន់បែកបាក់ដូចដែលមនុស្សជាច្រើនគិតទេ ទោះបីពួកគេធ្លាប់មានការប៉ះទង្គិចយ៉ាងខ្លាំងលើOne Big Beautiful Bill Actកាលពីដើមឆ្នាំនេះក៏ដោយ។
ប្រភពពីសារព័ត៌មានFox news។
ក្នុងចុងកិច្ចប្រជុំគណៈរដ្ឋមន្ត្រីប្រចាំខែ អ្នកសារព័ត៌មាន Edward Lawrence (FOX Business) បានសួរថា តើលោក Musk បានត្រឡប់មកក្នុងរង្វង់សង្គមរបស់ប្រធានាធិបតីវិញឬយ៉ាងណា។
លោក Trump បានឆ្លើយថាខ្ញុំចូលចិត្ត Elon ខ្លាំងណាស មែនហើយ ខ្ញុំមិនដឹងទេ តែខ្ញុំចូលចិត្តគាត់ពិតៗ។
ប្រធានាធិបតីបានរំឭកពីការគាំទ្ររបស់លោក Musk ក្នុងយុទ្ធនាការបោះឆ្នោតឆ្នាំ 2024 និងក្នុងរដ្ឋបាលដំបូងនៃអាណត្តិទីពីរ ដែលលោក Musk បានកាន់តំណែងជាអ្នកដឹកនាំជាក់ស្តែង (de facto) នៃ ក្រសួងប្រសិទ្ធភាពរដ្ឋាភិបាល។ លោក Musk បានចូលរួមកិច្ចប្រជុំគណៈរដ្ឋមន្ត្រីជាច្រើន និងបានក្លាយជាម្ចាស់តួនាទីសំខាន់ក្នុងការប្រយុទ្ធប្រឆាំងការចំណាយលើសកម្រិត ការក្លែងបន្លំ និងការគ្រប់គ្រងមិនមានប្រសិទ្ធភាព។
ទោះបីជាយ៉ាងណា ស្ថានភាពបានផ្លាស់ប្តូរយ៉ាងខ្លាំងនៅខែមិថុនា ពេលដែលលោក Musk ចាប់ផ្តើមរិះគន់ជាសាធារណៈចំពោះច្បាប់One Big Beautiful Bill Act៕