កាលពីថ្ងៃពុធទី៣ខែធ្នូ ក្រសួងរតនាគារសហរដ្ឋអាមេរិក បានប្រកាសពីទណ្ឌកម្មថ្មី ដោយកំណត់គោលដៅទៅលើសាខាសំខាន់ៗរបស់ក្រុមឧក្រិដ្ឋជន Tren de Aragua (TdA) ដែលមានមូលដ្ឋាននៅប្រទេសវេណេស៊ុយអេឡា ពីបទលាងលុយកខ្វក់។
ប្រភពពីសារព័ត៌មានAANews។
យោងតាមការិយាល័យគ្រប់គ្រងទ្រព្យសម្បត្តិបរទេស (OFAC) ទណ្ឌកម្មទាំងនោះរួមមានការកំណត់ឈ្មោះ Jimena Romina Araya Navarro ដែលជាអ្នកកម្សាន្តជនជាតិវេណេស៊ុយអេឡា ដែលត្រូវបានគេស្គាល់យ៉ាងទូលំទូលាយថាRosita ដែលក្រសួងបាននិយាយថាជាផ្នែកមួយនៃបណ្តាញមនុស្សប្រាំនាក់ដែលមានទំនាក់ទំនងជាមួយឧស្សាហកម្មកម្សាន្ត ដែលបានផ្តល់ការគាំទ្រសម្ភារៈដល់ TdA។
លោក Scott Bessent រដ្ឋមន្ត្រីក្រសួងរតនាគារបាននិយាយនៅក្នុងសេចក្តីថ្លែងការណ៍មួយថាក្រោមការដឹកនាំរបស់លោកប្រធានាធិបតី Trump ក្រុមភេរវករព្រៃផ្សៃលែងអាចធ្វើប្រតិបត្តិការដោយគ្មានទោសពៃរ៍ឆ្លងកាត់ព្រំដែនរបស់យើងទៀតហើយ។ ប្រតិបត្តិការជួញដូរគ្រឿងញៀន និងរត់ពន្ធមនុស្សរបស់បណ្តាញ Tren de Aragua បានដាក់ការគំរាមកំហែងយ៉ាងធ្ងន់ធ្ងរដល់ប្រទេសជាតិរបស់យើងជាយូរមកហើយ”។
លោកបានបន្ថែមថា សហរដ្ឋអាមេរិកនឹងបន្តប្រើប្រាស់ “ឧបករណ៍គ្រប់យ៉ាងដើម្បីកាត់ផ្តាច់ភេរវករទាំងនេះ។
គួរជម្រាបថា សហរដ្ឋអាមេរិក និងវេណេស៊ុយអេឡា កាន់តែឡើងកម្តៅខ្លាំង បន្ទាប់ពីប្រធានាធិបតីអាមេរិក លោក ដូណាល់ ត្រាំ បានបញ្ជាក្រសួងសង្គ្រាមអាមេរិក ដាក់ពង្រាយទ័ពរាប់ពាន់នាក់ ត្រៀមវាយយលុក ទីក្រុងការ៉ាកាស ក្រោមហេតុផលថា ប្រតិបត្តិការកំចាត់ឧក្រិដ្ឋកម្មគ្រឿងញៀនឆ្លងដែន និងបញ្ចប់របបរបស់លោក នីកូឡាសម៉ារ៉ូ៕