(ព្រៃវែង)៖ នៅរសៀលថ្ងៃទី០៤ ខែធ្នូ ឆ្នាំ២០២៥ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញជាអធិបតីក្នុងពិធីប្រកាសផ្ទេរភារកិច្ច ចូលកាន់មុខតំណែងប្រធានសាលាដំបូងនិងអយ្យការអមសាលា ដំបូងខេត្តព្រៃវែង!។
*ពិធីនេះក៏មានការអញ្ជើញចូលរួមពីគណៈប្រតិភូអមដំណើរ និងឯកឧត្ដម ស្រេង ជា សមាជិកក្រុមប្រឹក្សាខេត្តតំណាងឯកឧត្ដម ស្បោង សារ៉ាត ប្រធានក្រុមប្រឹក្សាខេត្តព្រៃវែង.ឯកឧត្ដម សួន សុម៉ាលីន អភិបាលខេត្តព្រៃវែង រួមនិងមន្ត្រីពាក់ព័ន្ធយ៉ាងច្រើនកុះករ។
ក្នុងនោះឯកឧត្តម សួស ឡា ប្រធានសាលាដំបូងខេត្តកំពង់ចាម ត្រូវបានប្រកាសចូលកាន់តំណែង ជាប្រធានសាលាដំបូងខេត្តព្រៃវែង ជំនួយឯកឧត្ដម ហង់ ស៊ីថា ដែលត្រូវកាន់តំណែងជាប្រធានសាលាដំបូងខេត្តក្រចេះ!។
ឯកឧត្ដម កូយ កាន់យ៉ា ព្រះរាជអាជ្ញា នៃអយ្យការអមសាលាដំបូងខេត្តពោធិ៍សាត់ ត្រូវបានប្រកាសចូលកាន់តំណែង ជាព្រះរាជអាជ្ញា នៃអយ្យការអមសាលាដំបូងខេត្តព្រៃវែង.ជំនួសឯកឧត្ដម គុជ គីមឡុង ដែលត្រូវកាន់តំណែងជាព្រះរាជអាជ្ញា នៃអយ្យការអមសាលាដំបូង ខេត្តកណ្ដាល។
បន្ទាប់មកឯកឧត្ដម កូយ កាន់យ៉ា បានប្រកាសពីការប្ដេជ្ញាចិត្តក្នុងការអនុវត្តតួនាទីភារកិច្ចថ្មី ជាព្រះរាជអាជ្ញាខេត្តព្រៃវែង។
ឯកឧត្តម សួស ឡា ក៏បានប្រកាសប្ដេជ្ញាចិត្ត ក្នុងការអនុវត្តតួនាទីភារកិច្ចថ្មី ជាប្រធានសាលាដំបូង ខេត្តព្រៃវែង។
ក្នុងឱកាសនោះ ឯកឧត្តម កើត រិទ្ធ បានមានប្រសាសន៍ កោតសរសើរ ចំពោះការដឹកនាំរបស់ឯកឧត្ដម ហង់ ស៊ីថា និងឯកឧត្តម គុជ គីមឡុង ក្នុងអាណ្ណិការងារ នៅសាលាដំបូងខេត្តព្រៃវែង។
បន្ថែមពីនេះឯកឧត្តម កើត រិទ្ធ ក៏បាន
ផ្ដាំផ្ញើនិងណែនាំ ដល់ប្រធានសាលាដំបូង និងអយ្យការអមសាលា ដំបូងខេត្តព្រៃវែង ដែលទើបកាន់តំណែងថ្មី ត្រូវសាមគ្គីភាពផ្ទៃក្នុងឱ្យបានល្អ និងត្រូវអនុវត្តច្បាប់ ដោយមានតម្លាភាព គិតពីផលប្រយោជន៍ប្រជាជនក្នុងខេត្តព្រៃវែង ដោះស្រាយបញ្ហាសន្តិសុខសង្គម និងកាត់ក្ដីតាមផ្លូវច្បាប់មិនលម្អៀង៕
