ប្រធានាធិបតីវេណេស៊ុយអេឡា លោក Nicolas Maduro បានប្រកាសកាលពីថ្ងៃព្រហស្បតិ៍ថា ប្រទេសរបស់គាត់នឹងបន្តទទួលយកជនអន្តោប្រវេសន៍ដែលត្រូវបាននិរទេសចេញពីសហរដ្ឋអាមេរិក តាមផ្លូវអាកាសក្រោមកិច្ចព្រមព្រៀងដែលបានសម្រេចនៅខែមករា។
ប្រភពពីសារព័ត៌មានAAnews នៅថ្ងៃទី៥ខែធ្នូ។
លោក Maduro បានឲ្យដឹងថា ជើងហោះហើរដែលដឹកជនអន្តោប្រវេសន៍វេណេស៊ុយអេឡាចំនួន ២៦៦ នាក់បានចុះចតនៅអាកាសយានដ្ឋានអន្តរជាតិ Maiquetia Simon Bolivar នៅទីក្រុងការ៉ាកាស។ ក្នុងរយៈពេលពីរថ្ងៃចុងក្រោយ មានជនអន្តោប្រវេសន៍សរុប ៥២៥ នាក់។
ប្រធានាធិបតី Maduro បានបញ្ជាក់ថា ជើងហោះហើរបន្ថែមនឹងមកដល់នៅថ្ងៃបន្ទាប់ និងដំណើរការនេះនឹងបន្តទៅមុខ។ លោកបានអះអាងថា ការទទួលយកជនអន្តោប្រវេសន៍ត្រូវបានអនុម័តដោយផ្ទាល់ និងសម្របសម្រួលជាមួយសំណើររបស់ រដ្ឋាភិបាលសហរដ្ឋអាមេរិក បន្ទាប់ពីមានការរំខានថ្មីៗ។
ប្រតិបត្តិការនិរទេសនេះបង្ហាញថា ប្រទេសវេណេស៊ុយអេឡាបានបន្តការសហការជាមួយសហរដ្ឋអាមេរិកក្នុងបញ្ហាជនអន្តោប្រវេសន៍ ទោះបីជាមានភាពតានតឹងយ៉ាងខ្លាំងរវាងរាជាធិបតេយ្យទាំងពីរប្រទេស៕