(ភ្នំពេញ)៖ នាយករដ្ឋមន្ត្រីម៉ាឡេស៊ី និងប្រធានអាស៊ាន Anwar Ibrahim បានបង្ហោះសារនៅលើទំព័រហ្វេសប៊ុករបស់លោកថា លោកមានការព្រួយបារម្ភយ៉ាងខ្លាំងចំពោះរបាយការណ៍ អំពីការប៉ះទង្គិចប្រដាប់អាវុធ នៅព្រំដែនកម្ពុជា និងថៃ។
ក្នុងនោះ លោកបានចូលរួមរំលែកទុក្ខដល់ក្រុមគ្រួសារ អ្នកដែលត្រូវបានសម្លាប់ ឬរងរបួស។
ប្រភពពីkhaosod។
*ថៃនិងកម្ពុជា ជាដៃគូដ៏ជិតស្និទ្ធរបស់ម៉ាឡេស៊ី និងជាសមាជិកសំខាន់ៗរបស់អាស៊ាន.។
ម៉ាឡេស៊ី ត្រៀមខ្លួនជាស្រេចដើម្បីគាំទ្រជំហានដែលអាចជួយស្តារភាពស្ងប់ស្ងាត់និងបញ្ចៀសឧបទ្ទវហេតុបន្ថែមទៀត។
ក្រសួងការពារជាតិកម្ពុជា នៅថ្ងៃទី៨ ខែធ្នូ ឆ្នាំ២០២៥ បានឱ្យដឹងថា នៅថ្ងៃទី៨ ខែធ្នូ ឆ្នាំ២០២៥ យោធាថៃបានបន្តបើកការបាញ់ប្រហារសាជាថ្មីមកលើកងកម្លាំងកម្ពុជា ចាប់ពីវេលាម៉ោងប្រមាណ ០៥:០៤នាទីព្រឹក ការបើកការវាយប្រហារនេះធ្វើឡើង នៅក្នុងតំបន់អានសេះ នៅប្រាសាទតាមាន់ធំ នៅតំបន់ប្រាសាទព្រះវិហារ នៅ៥មករា នៅចំការចេក នៅមុំបី នៅភ្នំខ្មោច នៅគោល៨ នៅប្រាសាទតាក្របី និងនៅប្រាសាទខ្នារ រហូតមកដល់រសៀលថ្ងៃនេះ ថៃនៅតែបន្តបាញ់ប្រហារដដែល៕