នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃអាទិត្យទី៧ខែធ្នូ ថា លោកនឹងជួបជាមួយប្រធានាធិបតីអាមេរិក លោក Donald Trump នៅឯសេតវិមានក្នុងខែនេះ ដើម្បីពិភាក្សាអំពីដំណាក់កាលទីពីរនៃកិច្ចព្រមព្រៀងឈប់បាញ់នៅហ្គាហ្សា។ ប្រភពពីសារព័ត៌មានAANews។
លោក Netanyahu បានប្រាប់សន្និសីទសារព័ត៌មានរួមគ្នាមួយនៅភាគខាងលិចទីក្រុងយេរូសាឡឹមជាមួយអធិការបតីអាល្លឺម៉ង់ លោក Friedrich Merz ថាខ្ញុំគិតថាយើងនឹងមានការសន្ទនាដ៏សំខាន់បំផុតនៅចុងខែនេះ អំពីរបៀបធានាថាដំណាក់កាលទីពីរនេះត្រូវបានសម្រេច។
គួរជម្រាបថា លោក Netanyahu ក៏ប្រឈមមុខនឹងការចោទប្រកាន់ពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងនឹងមនុស្សជាតិផងដែរ ដោយតុលាការព្រហ្មទណ្ឌអន្តរជាតិបានចេញដីកាចាប់ខ្លួនលោក និងអតីតរដ្ឋមន្ត្រីក្រសួងការពារជាតិ លោក Yoav Gallant ក្នុងខែវិច្ឆិកា ឆ្នាំ 2024 ពីបទឃោរឃៅនៅហ្គាហ្សា ជាកន្លែងដែលមនុស្សជាង 70,000 នាក់ ភាគច្រើនជាស្ត្រី និងកុមារ ត្រូវបានសម្លាប់ចាប់តាំងពីខែតុលា ឆ្នាំ 2023៕