កាលពីថ្ងៃទី៧ ខែធ្នូ ឆ្នាំ២០២៥ ក្រោយការប្រយុទ្ធបង្ហូរឈាមនិងការខូចខាតយ៉ាងធ្ងន់ធ្ងរ ប្រទេសអ៊ីស្រាអែលនិងក្រុមហាម៉ាស កំពុងឈានចូលដំណាក់កាលទីពីរ នៃផែនការដឹកនាំដោយអាមេរិក ដែលមានគោលបំណងបញ្ចប់សង្គ្រាមក្នុងតំបន់ហ្គាហ្សា។ ទោះជាយ៉ាងណា ការខ្វែងគំនិតយ៉ាងធ្ងន់ធ្ងរនៅតែបន្តលើតួនាទីរបស់កម្លាំងស្ថិរភាពអន្តរជាតិ។
ប្រភពពីសារព័ត៌មានAl Jazeera។
មន្ត្រីជាន់ខ្ពស់ក្រុមហាម៉ាស លោក Basem Naim បានបញ្ជាក់ថា សេចក្តីព្រាងផែនការរបស់សហរដ្ឋអាមេរិកមានចំណុចច្រើនត្រូវការការបកស្រាយបន្ថែម។
គាត់បានលើកឡើងថា ក្រុមហាម៉ាសត្រៀមពិភាក្សាអំពីការបង្កក ឬរក្សាទុកអាវុធ ក្នុងអំឡុងពេលបទឈប់បាញ់ ប៉ុន្តែមិនអាចឱ្យកម្លាំងស្ថិរភាពអន្តរជាតិរំសាយអាវុធរបស់ខ្លួនបានទេ។
នាយករដ្ឋមន្ត្រីអ៊ីស្រាអែល លោក Benjamin Netanyahu បានអះអាងថា ខ្សែបន្ទាត់ពណ៌លឿងដែលយោធាចាត់ទុកជាតំបន់សុវត្ថិភាពគឺជាព្រំដែនថ្មីរវាងអ៊ីស្រាអែល និងតំបន់ហ្គាហ្សា។
លោក Netanyahu និយាយថា ខ្លួននឹងជួបប្រជុំជាមួយប្រធានាធិបតី Donald Trump នៅចុងខែនេះ ដើម្បីពិភាក្សាអំពីដំណាក់កាលទីពីរ ដែលមានគោលដៅចម្បងលើការរំសាយអាវុធរបស់ Hamas៕