ប្រធានាធិបតីអាមេរិក ដូណាល់ ត្រាំ បានជំរុញឱ្យកម្ពុជា និងថៃ ត្រូវគោរពនិងប្ដេជ្ញាចិត្ត ចំពោះបទឈប់បាញ់ បន្ទាប់ពីជម្លោះនៅតាមបណ្ដោយព្រំដែន រវាងប្រទេសទាំង២បានផ្ទុះជាលើកទី២។
ប្រភពពីសារព័ត៌មាន Reuters។
យោធាថៃ កាលពីថ្ងៃចន្ទទី០៨ខែធ្នូ បានបើកការវាយប្រហារតាមអាកាសលើកម្ពុជា នេះជាទង្វើបំពានលើបទឈប់បាញ់ និងកំពុងគំរាមកំហែងដល់សេចក្ដីថ្លែងការណ៍រួមស្ដីពីសន្តិភាពដែល ប្រទេសទាំង២បានចុះហត្ថលេខាកាលពីខែតុលា កន្លងទៅក្នុងទីក្រុងគូឡាឡាំពួប្រទេសម៉ាឡេស៊ី ។
ដោយមានប្រធានាធិបតីអាមេរិក លោក ដូណាល់ ត្រាំ និងនាយករដ្ឋមន្ត្រីម៉ាឡេស៊ី លោក អាន់វ៉ា អ៉ីប្រាហ៊ីមធ្វើជាសាក្សីផងដែរ។
ក្នុងលក្ខខណ្ឌមិនបញ្ចេញឈ្មោះ មន្ត្រីជាន់ខ្ពស់របស់លោក ត្រាំ បានគូសបញ្ជាក់កាលពីថ្ងៃចន្ទ ទី៨ ខែធ្នូ ដូច្នេះថា លោក ត្រាំ ស្នើឱ្យបញ្ឈប់អំពើហិង្សា និងសង្ឃឹមថា កម្ពុជាថៃ នឹងគោរពបទឈប់បាញ់៕