យ៉ាងហោចណាស់ទាហានប៉ាគីស្ថាន ចំនួន៦នាក់ត្រូវបានសម្លាប់នៅក្នុងការវាយប្រហាររបស់ពួកសកម្មប្រយុទ្ធនៅខេត្ត Khyber Pakhtunkhwa ភាគពាយ័ព្យរបស់ប្រទេសនៅថ្ងៃអង្គារទី៩ខែធ្នូ។
ប្រភពពីសារព័ត៌មានAANews។
មន្ត្រីប៉ូលីសម្នាក់នៅបន្ទប់ត្រួតពិនិត្យបានប្រាប់ Anadolu តាមទូរស័ព្ទថា ការវាយប្រហារទាំងនេះបានកើតឡើងនៅក្នុងតំបន់ Manato នៃស្រុក Kurram នៅរសៀលថ្ងៃចន្ទ។
លោកបានមានប្រសាសន៍ថាយើងបានទទួលរបាយការណ៍ថា ទាហានប្រាំមួយនាក់ត្រូវបានសម្លាប់ និងពីរនាក់ទៀតរងរបួស ខណៈដែលពួកសកម្មប្រយុទ្ធរាប់សិបនាក់ក៏ត្រូវបានសម្លាប់ផងដែរដោយបន្ថែមថា យោធាបានឡោមព័ទ្ធតំបន់នោះ ហើយប៉ូលីសមិនទាន់អាចទៅដល់កន្លែងនោះនៅឡើយទេ។
កងកម្លាំងសន្តិសុខក៏បានសម្លាប់មេបញ្ជាការក្រុមសកម្មប្រយុទ្ធក្នុងស្រុកម្នាក់ដែលត្រូវបានគេស្គាល់ថាជា Usman Khyberi។
ទោះជាយ៉ាងណាក៏ដោយ យោធាមិនទាន់បានចេញសេចក្តីថ្លែងការណ៍ណាមួយទាក់ទងនឹងការវាយប្រហារចុងក្រោយបំផុតលើបុគ្គលិករបស់ខ្លួននៅក្នុងតំបន់ជិតព្រំដែនអាហ្វហ្គានីស្ថាននៅឡើយទេ៕