ប្រធានាធិបតីអាមេរិក លោក ដូណាល់ ត្រាំ បាននិយាយថា លោកនឹងហៅទូរស័ព្ទទៅមេដឹកនាំកម្ពុជា និងថៃ ស្របពេលជម្លោះព្រំដែនបានផ្ទុះឡើងជាលើកទី២។
ប្រភពពីសារព័ត៌មាន Bloomberg។
ថ្លែងនៅរដ្ឋ Pennsylvania កាលពីល្ងាចថ្ងៃអង្គារទី៩ ខែធ្នូ លោក ត្រាំ បានគូសបញ្ជាក់ថា នៅថ្ងៃស្អែក(ថ្ងៃពុធ ម៉ោងនៅសហរដ្ឋអាមេរិក) ខ្ញុំនឹងហៅទូរស័ព្ទជាមួយប្រទេសទាំង២។
ខ្ញុំនឹងបើកកិច្ចពិភាក្សាតាម ទូរស័ព្ទមួយ ហើយបញ្ឈប់សង្រ្គាម មួយរវាងប្រទេស២ដ៏មានឥទ្ធិពលបំផុត។
គួរំលឹកថា ជម្លោះព្រំដែនកម្ពុជា.ថៃ.ជាលើកទី២នេះគឺបានកើតឡើងតាំងពីថ្ងៃទី០៧.១២.២០២៥។
ដែលផ្ដើមចេញពីភាគីថៃ បើកការវាយប្រហារ មកលើកម្ពុជា ខណៈលោក អានុទីន ឆានវីរៈគុល នាយករដ្ឋមន្ត្រីថៃ ប្រកាសបិទការចរចាជាមួយកម្ពុជា.។
បន្ថែមពីនេះ មេទ័ពថៃ ក៏បានប្រកាសវាយបំបាក់កងកម្លាំងកម្ពុជាក្នុងរយៈពេលវែងផងដែរ។
ទន្ទឹមនិងនោះ សម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា ក៏បានប្រកាសថា កម្ពុជាអស់ការអត់ធ្មត់ហើយ នឹងធ្វើការវាយបកវិញ ដើម្បីឆ្លើយតប ចំពោះខ្មាំងសត្រូវ ដែលឈ្លានពានទឹកដីកម្ពុជា។
ចំពោះការ ប្រកាសវាយបំបាក់កងកម្លាំងកម្ពុជា ពីសំណាក់មេទ័ពថៃ។
សម្ដេចតេជោ បានឆ្លើយតបថា វាមិនងាយនោះទេ.បើទោះបីជាប្រទេសមហាអំណាចធំៗ ក៏គេពុំទាន់ហ៊ានប្រើប្រាស់សម្ដីបែបនេះ មកលើប្រទេសដទៃដែរ៕