ប្រទេសក្រូអាស៊ី បានចុះហត្ថលេខាលើកិច្ចព្រមព្រៀងជាមួយប្រទេសអាល្លឺម៉ង់កាលពីថ្ងៃពុធទី១០ខែធ្នូ ដើម្បីទិញរថក្រោះ Leopard 2A8 ចំនួន៤៤គ្រឿង ក្នុងអំឡុងពេលដំណើរទស្សនកិច្ចរបស់នាយករដ្ឋមន្ត្រីក្រូអាស៊ី លោក Andrej Plenkovic ទៅកាន់ទីក្រុងប៊ែរឡាំង។
ប្រភពពីសារព័ត៌មានReuters។
ថ្លែងបន្ទាប់ពីពិធីចុះហត្ថលេខា អធិការបតី Merz បានសម្តែងការដឹងគុណចំពោះការសម្រេចចិត្តរបស់ប្រទេសក្រូអាស៊ី។លោក Merz បានបន្ថែមថាវាបង្ហាញថាយើងឈរជាមួយគ្នានៅក្នុងសហភាពអឺរ៉ុប និងនៅក្នុងណាតូ។ ប៉ុន្តែវាក៏បង្ហាញថាយើងមានមធ្យោបាយដើម្បីឆ្លើយតបទៅនឹងការគំរាមកំហែងបច្ចុប្បន្នពីប្រទេសរុស្ស៊ី និងប្រទេសដទៃទៀតចំពោះសន្តិសុខ និងភាពសុចរិតរបស់យើង៕