កាលពីថ្ងៃចន្ទទី១៥ខែធ្នូ ប្រធានាធិបតីអាមេរិក លោក ដូណាល់ ត្រាំ បាននិយាយថាកិច្ចព្រមព្រៀងបញ្ចប់សង្គ្រាមរុស្ស៊ី-អ៊ុយក្រែនកាន់តែខិតជិតមកដល់ហើយ។
ប្រភពពីសារព័ត៌មានAANews។
លោក ត្រាំ បានប្រាប់អ្នកយកព័ត៌មាននៅក្នុងការិយាល័យ Oval ថាជាកិច្ចពិភាក្សាយ៉ាងទូលំទូលាយជាមួយប្រធានាធិបតីអ៊ុយក្រែន លោក វ៉ុលដូឌីមៀរ ហ្សេលេនស្គី និងមេដឹកនាំអឺរ៉ុបមួយចំនួនថាខ្ញុំគិតថាយើងកាន់តែខិតជិតមកដល់ហើយ ហើយយើងនឹងឃើញអ្វីដែលយើងអាចធ្វើបាន។ យើងចង់ជួយសង្គ្រោះជីវិតមនុស្សជាច្រើន។
លោក ត្រាំ បាននិយាយថា លោកបាននិយាយជាមួយមេដឹកនាំអាល្លឺម៉ង់ អ៊ីតាលី ហ្វាំងឡង់ បារាំង ចក្រភពអង់គ្លេស ប៉ូឡូញ ន័រវែស ដាណឺម៉ាក និងហូឡង់ ក៏ដូចជាអង្គការណាតូ ដោយហៅការសន្ទនាទាំងនោះថាវែងឆ្ងាយ និងល្អណាស់។
ប្រធានាធិបតីអាមេរិកក៏បាននិយាយផងដែរថា លោកមានការសន្ទនាច្រើនដងជាមួយសមភាគីរុស្ស៊ីរបស់លោក គឺលោក វ្ល៉ាឌីមៀរ ពូទីន ហើយជឿជាក់ថាភាគីទាំងពីរចង់ឱ្យសង្គ្រាមបញ្ចប់ ទោះបីជាលោកទទួលស្គាល់ការលំបាកក្នុងការរក្សាទីក្រុងមូស្គូ និងទីក្រុងគៀវឲ្យនៅជាមួយគ្នាក៏ដោយ៕