អ៊ុយក្រែនបានអះអាងថា កងកម្លាំងរបស់ខ្លួនបានដណ្តើមយកមកវិញនូវការគ្រប់គ្រងជិត ៩០ ភាគរយនៃទីក្រុង Kupiansk ក្នុងតំបន់ Kharkiv ភាគឦសានប្រទេស ខណៈដែលរុស្ស៊ីបដិសេធការអះអាងនេះ និងបញ្ជាក់ថាខ្លួននៅតែគ្រប់គ្រងទីក្រុងនេះ។
ប្រភពពីសារព័ត៌មានAnadolu Agency នៅថ្ងៃទី១៨ខែធ្នូ។
អគ្គមេបញ្ជាការកងកម្លាំងអ៊ុយក្រែន លោក Oleksandr Syrskyi បានសរសេរនៅលើបណ្តាញ Telegram កាលពីថ្ងៃពុធថាដោយសារសកម្មភាពស្វែងរក និងវាយប្រហារយ៉ាងសកម្ម កងកម្លាំងអ៊ុយក្រែនបានរុញច្រានកងទ័ពរុស្ស៊ីចេញពីទីក្រុង Kupiansk ហើយដណ្តើមយកមកវិញបានស្ទើរតែ ៩០% នៃទឹកដីទីក្រុង។
ការអះអាងនេះត្រូវបានធ្វើឡើងក្នុងបរិបទនៃការប្រយុទ្ធយ៉ាងខ្លាំងនៅតំបន់ជួរមុខ ដែល Kupiansk ត្រូវបានចាត់ទុកថាជាចំណុចប្រសព្វផ្លូវដែកដ៏សំខាន់សម្រាប់ការផ្គត់ផ្គង់យោធានៅភាគឦសានអ៊ុយក្រែន៕