កាលពីថ្ងៃទី ១៧ ខែធ្នូ ឆ្នាំ ២០២៥ ទីប្រឹក្សាសេតវិមាន លោក Stephen Miller បានចោទប្រកាន់រដ្ឋាភិបាលវេណេស៊ុយអេឡា ថាបានរឹបអូសទ្រព្យសម្បត្តិឧស្សាហកម្មប្រេងរបស់សហរដ្ឋអាមេរិក ដើម្បីយកទៅផ្តល់មូលនិធិដល់ ភេរវកម្មនិងការជួញដូរគ្រឿងញៀន។
ប្រភពពីសារព័ត៌មានAnadolu Agency។
លោក Miller បានបន្តថាទ្រព្យសម្បត្តិដែលត្រូវបានប្លន់យកទាំងនេះ ត្រូវបានប្រើប្រាស់ដើម្បីផ្តល់មូលនិធិដល់ភេរវកម្ម និងធ្វើឱ្យសង្គមរបស់យើងជន់លិចដោយឃាតករ ទាហានស៊ីឈ្នួល និងគ្រឿងញៀន។
ការចោទប្រកាន់នេះ បានកើតឡើងបន្ទាប់ពីប្រធានាធិបតីសហរដ្ឋអាមេរិក លោក Donald Trump បានប្រកាសអំពី ការបិទផ្លូវទាំងស្រុងចំពោះនាវាដឹកប្រេងទាំងអស់ដែលត្រូវបានចូលឬចាកចេញពីប្រទេសវេណេស៊ុយអេឡា។
ទោះជាយ៉ាងណាប្រទេសវេណេស៊ុយអេឡា បានថ្កោលទោសវិធានការនេះថាជាការរំលោភលើច្បាប់អន្តរជាតិ៕