សហរដ្ឋអាមេរិកបានប្រកាសថា ការវាយប្រហារចុងក្រោយលើនាវាមួយគ្រឿងនៅមហាសមុទ្រប៉ាស៊ីហ្វិកភាគខាងកើត បានសម្លាប់មនុស្ស៤នាក់ បន្ថែមទៀតដោយចំនួនអ្នកស្លាប់កើនជិត១០០នាក់ ពីប្រតិបត្តិការយោធាលើនាវាចំនួន ២៦ គ្រឿង ចាប់តាំងពីខែកញ្ញាមក។
ប្រភពពីសារព័ត៌មានAl Jazeeraកាលពីថ្ងៃទី១៨ខែធ្នូ។
បញ្ជាការភាគខាងត្បូងសហរដ្ឋអាមេរិក (SOUTHCOM) អះអាងថា គោលដៅគឺក្រុមជួញដូរគ្រឿងញៀន ប៉ុន្តែមិនបានបង្ហាញភស្តុតាងច្បាស់លាស់ទេ។
ប្រតិបត្តិការនេះជាផ្នែកមួយនៃយុទ្ធនាការSouthern Spear ដែលរដ្ឋបាលប្រធានាធិបតី ដូណាល់ ត្រាំ អះអាងថា ដើម្បីទប់ស្កាត់លំហូរគ្រឿងញៀនចូលសហរដ្ឋអាមេរិក ជាពិសេសពីបណ្តាញដែលមានមូលដ្ឋាននៅវេណេស៊ុយអេឡា។ ទោះយ៉ាងណា អ្នកជំនាញច្បាប់បានបារម្ភថា ការវាយប្រហារនេះអាចជាការសម្លាប់ក្រៅប្រព័ន្ធតុលាការនៅក្នុងដែនទឹកអន្តរជាតិ៕