កាលពីថ្ងៃទី១៨ ខែធ្នូ ឆ្នាំ ២០២៥ យោធាសហរដ្ឋអាមេរិក បានធ្វើការវាយប្រហារលើទូកសង្ស័យជួញដូរគ្រឿងញៀនចំនួន២គ្រឿង នៅមហាសមុទ្រប៉ាស៊ីហ្វិកភាគខាងកើត ដោយបណ្តាលឱ្យមនុស្ស៥នាក់ស្លាប់ នេះបើយោងតាមបញ្ជាការភាគខាងត្បូងសហរដ្ឋអាមេរិក (SOUTHCOM)។
ប្រភពពីសារព័ត៌មានCNN។
ការវាយប្រហារនេះជាផ្នែកមួយនៃយុទ្ធនាការ Operation Southern Spear ដែលរដ្ឋបាលលោក Donald Trump អះអាងថាមានគោលបំណងកាត់បន្ថយការជួញដូរគ្រឿងញៀន។ ក្នុងសប្តាហ៍តែមួយ សហរដ្ឋអាមេរិកបានធ្វើការវាយប្រហារច្រើនលើក បណ្តាលឱ្យចំនួនអ្នកស្លាប់សរុបឡើងដល់យ៉ាងហោចណាស់ ១០៤ នាក់ ហើយមិនមានសមាជិកយោធាអាមេរិកណាម្នាក់រងរបួសនោះទេ។
ក្នុងពេលដំណាលគ្នា សហរដ្ឋអាមេរិកបានបង្កើនវត្តមានយោធានៅតំបន់អាមេរិកខាងត្បូង និងការ៉ាប៊ីន ជាពិសេសទាក់ទងនឹងប្រទេសវេណេស៊ុយអេឡា។ លោក Trump បានបញ្ជាឱ្យបិទផ្លូវនាវាដឹកប្រេងដែលត្រូវបានហាមឃាត់ចូលចេញពីប្រទេសនោះ៕