(ភ្នំពេញ)៖ អាជ្ញាធរមីនកម្ពុជា នៅថ្ងៃទី១៩.១២.២០២៥ បានចេញសេចក្ដីថ្លែងការណ៍មួយ។
ដោយប្រកាសថ្កោលទោសយ៉ាងខ្លាំងក្លាបំផុត ចំពោះអំពើឈ្លានពានយ៉ាងធ្ងន់ធ្ងរ របស់យោធាថៃ មកលើអធិបតេយ្យភាព និងបូរណភាពទឹកដីកម្ពុជា ។
ដោយថៃ ប្រើប្រាស់យន្តហោះទម្លាក់គ្រាប់បែក គ្រាប់បែកចង្កោម ផ្សែងពុល និងយុទ្ធភណ្ឌគ្រឿងផ្ទុះផ្សេងៗ ដែលបានបង្កគ្រោះថ្នាក់ បំផ្លាញបេតិកភណ្ឌពិភពលោក ហេដ្ឋារចនាសម្ព័ន្ធសាធារណៈ វត្តអារាម ប្រាសាទបុរាណ លំនៅដ្ឋាន និងធ្វើឱ្យប៉ះពាល់សុខភាពធ្ងន់ធ្ងរ។
សូមជម្រាបថា ជម្លោះប្រដាប់អាវុធ ជាលើកទី២ រវាងកម្ពុជាថៃ.បើគិតត្រឹមថ្ងៃទី១៩.១២.២០២៥ គឺមានរយៈពេល១៣ហើយ!។
បណ្ដាលឱ្យ ជនស៊ីវិលកម្ពុជាស្លាប់១៨នាក់ និងរបួសជិត៨០នាក់៕
