ប្រធានាធិបតីអាមេរិក លោក ដូណាល់ ត្រាំ បានប្រកាសថា សហរដ្ឋអាមេរិកបានបើកការវាយប្រហារទ្រង់ទ្រាយធំលើបន្ទាយក្រុម ISILនៅក្នុងប្រទេសស៊ីរី ជាការសងសឹកក្រោយសម្លាប់ទាហានអាមេរិកពីរនាក់ និងអ្នកបកប្រែម្នាក់នៅទីក្រុង Palmyra។
ប្រភពពីសារព័ត៌មានAl Jazeera នៅថ្ងៃទី២០ខែធ្នូ។
លោក ត្រាំ បញ្ជាក់ថា ប្រតិបត្តិការនេះមានគោលដៅលើភេរវករដែលទទួលខុសត្រូវ ខណៈរដ្ឋមន្ត្រីការពារជាតិអាមេរិក លោក Pete Hegseth និយាយថា ការវាយប្រហារដែលមានឈ្មោះថា Operation Hawkeye Strike បានសម្លាប់យុទ្ធជន ISIL ជាច្រើនហើយមិនមែនជាការចាប់ផ្តើមសង្គ្រាមថ្មីទេ ប៉ុន្តែជាការប្រកាសសងសឹក។
រដ្ឋាភិបាលស៊ីរីបានបង្ហាញការគាំទ្រចំពោះប្រតិបត្តិការរបស់សហរដ្ឋអាមេរិក និងប្តេជ្ញាបន្តការប្រយុទ្ធប្រឆាំង ISIL ដើម្បីមិនឲ្យក្រុមនេះមានទីជម្រកសុវត្ថិភាពលើទឹកដីស៊ីរី៕