ប្រទេសឥណ្ឌា និងនូវែលសេឡង់ បានប្រកាសជាផ្លូវការថា បានឈានដល់កិច្ចព្រមព្រៀងពាណិជ្ជកម្មសេរី (FTA) មួយ ដែលត្រូវបានគេរំពឹងថា នឹងជំរុញពាណិជ្ជកម្មរវាងប្រទេសទាំងពីររហូតដល់រាប់រយលានដុល្លារ។
ប្រភពពីសារព័ត៌មានAl Jazeeraនៅថ្ងៃទី២២ ខែធ្នូ ឆ្នាំ ២០២៥។
មន្ត្រីពីទីក្រុងញូវដេលីនិងវែលលីងតុន បានបញ្ជាក់ថាកិច្ចព្រមព្រៀងនេះនឹងត្រូវចុះហត្ថលេខាជាផ្លូវការនៅក្នុងត្រីមាសទីមួយនៃឆ្នាំក្រោយ បន្ទាប់ពីបញ្ចប់ការពិនិត្យផ្នែកច្បាប់លើអត្ថបទដែលបានចរចា។
ការប្រកាសនេះកើតឡើងនៅពេលដែលភាពមិនប្រាកដប្រជាផ្នែកពាណិជ្ជកម្មសកលកំពុងកើនឡើង ដោយសារគោលនយោបាយពន្ធគយរបស់ប្រធានាធិបតីសហរដ្ឋអាមេរិក លោក Donald Trump ដែលបានជំរុញឱ្យប្រទេសជាច្រើនស្វែងរកដៃគូពាណិជ្ជកម្មថ្មីៗ ដើម្បីកាត់បន្ថយហានិភ័យពីការការពារនិយម៕