កងកម្លាំងអ៊ីស្រាអែល បានសម្លាប់ជនជាតិប៉ាឡេស្ទីនយ៉ាងហោចណាស់ពីរនាក់ នៅក្នុងសង្កាត់ Shujayea ភាគខាងកើតទីក្រុងហ្គាហ្សា កាលពីថ្ងៃចន្ទទី២២ខែធ្នូ ខណៈដែលការរំលោភលើកិច្ចព្រមព្រៀងឈប់បាញ់បន្តកើនឡើង។។
ប្រភពពីសារព័ត៌មានAl Jazeera។
ការស្លាប់នេះបានធ្វើឱ្យចំនួនអ្នកស្លាប់ក្នុងរយៈពេល ២៤ ម៉ោងកន្លងមកនៅហ្គាហ្សា កើនដល់យ៉ាងហោចណាស់ ១២ នាក់។ ការិយាល័យប្រព័ន្ធផ្សព្វផ្សាយរដ្ឋាភិបាលហ្គាហ្សាបានថ្កោលទោសការរំលោភបទឈប់បាញ់របស់អ៊ីស្រាអែលថា ជាការរំលោភយ៉ាងធ្ងន់ធ្ងរ និងជាប្រព័ន្ធដោយបញ្ជាក់ថា មានការរំលោភចំនួន ៨៧៥ដង ចាប់តាំងពីបទឈប់បាញ់ចូលជាធរមាននៅថ្ងៃទី ១០ ខែតុលា។
ក្នុងពេលជាមួយគ្នា ស្ថានភាពមនុស្សធម៌នៅហ្គាហ្សាកាន់តែអាក្រក់ ដោយប្រហែល ១.៩ លាននាក់ ត្រូវបានផ្លាស់ទីលំនៅ និងកំពុងប្រឈមនឹងកង្វះខាតអាហារ ថ្នាំពេទ្យ និងជម្រក។ អង្គការសហប្រជាជាតិ និងក្រុមមនុស្សធម៌បានព្រមានថា ការរារាំងជំនួយ និងការអនុញ្ញាតឱ្យរថយន្តដឹកទំនិញចូលតំបន់នេះនៅតិចជាងដែលបានព្រមព្រៀងដែលកំពុងគំរាមកំហែងដល់អាយុជីវិតប្រជាជនប៉ាឡេស្ទីន៕