កាលពីថ្ងៃអង្គារទី២៣ខែធ្នូ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានប្រកាសថាសេចក្តីព្រាងឯកសារសំខាន់ៗជាច្រើន រួមទាំងឯកសារស្តីពីការធានាសន្តិសុខ ត្រូវបានរៀបចំរួចរាល់ហើយ បន្ទាប់ពីកិច្ចចរចា ជាមួយមន្ត្រីអាមេរិកនៅទីក្រុង Miami។
ប្រភពពីសារព័ត៌មាន Reuters។
លោក ហ្សេលេនស្គី បានបញ្ជាក់នៅលើបណ្តាញសង្គម X ថា ឯកសារទាំងនេះរួមមានការធានាសន្តិសុខសម្រាប់អ៊ុយក្រែន ការស្តារប្រទេសឡើងវិញ និងក្របខណ្ឌមូលដ្ឋានសម្រាប់បញ្ចប់សង្គ្រាមនេះ។
លោកបានសង្កត់ធ្ងន់ថា ចំណុចទាំងនេះត្រូវបានកំណត់ឡើងដើម្បីបញ្ចប់សង្គ្រាម និងទប់ស្កាត់ការឈ្លានពានលើកទីបីរបស់រុស្ស៊ីនៅពេលអនាគត៕