យោធាអ៊ុយក្រែន ប្រកាសដកខ្លួនថយពីទីក្រុង Siversk ក្នុងតំបន់ Donetsk ភាគខាងកើត បន្ទាប់ពីការប្រយុទ្ធយ៉ាងសាហាវជាមួយកងកម្លាំងរុស្ស៊ី។
ប្រភពពីសារព័ត៌មានAl Jazeera នៅថ្ងៃទី២៤ខែធ្នូ។
អគ្គសេនាធិការអ៊ុយក្រែនបញ្ជាក់ថា ការដកថយនេះមានគោលបំណងរក្សាជីវិតទាហាន និងសមត្ថភាពប្រយុទ្ធ ទោះបីជាបានបង្កការខាតបង់យ៉ាងធ្ងន់ធ្ងរដល់ភាគីរុស្ស៊ីមុនពេលចាកចេញក៏ដោយ។
គេហទំព័រត្រួតពិនិត្យយោធា DeepState និងប្រភពរុស្ស៊ីបានរាយការណ៍ថា កងកម្លាំងរុស្ស៊ីបានកាន់កាប់ទីក្រុង Siversk ព្រមទាំងភូមិមួយនៅតំបន់ Sumy ផងដែរ ខណៈអ៊ុយក្រែនធ្លាប់បដិសេធការអះអាងនេះកាលពីមុន។ ទីក្រុង Siversk ដែលមានសារៈសំខាន់យុទ្ធសាស្ត្រ ត្រូវបានចាត់ទុកថាជាគន្លឹះក្នុងការការពារភាគខាងជើង Donetsk និងជាបន្ទាយការពារទៅកាន់ Sloviansk និង Kramatorsk៕