ស្ថានការណ៍នៅក្នុងតំបន់ហ្គាហ្សានិង West Bank នៅតែបន្តតានតឹងខ្លាំង ទោះបីមានកិច្ចព្រមព្រៀងបទឈប់បាញ់ក៏ដោយ។ កងកម្លាំងអ៊ីស្រាអែលត្រូវបានរាយការណ៍ថា បានបន្តបាញ់សម្លាប់ និងវាយឆ្មក់លើជនជាតិប៉ាឡេស្ទីន ទាំងនៅហ្គាហ្សា និងតំបន់ West Bank។
ប្រភពពីសារព័ត៌មានAl Jazeera នៅថ្ងៃទី២៧ខែធ្នូ។
យោងតាមទីភ្នាក់ងារព័ត៌មានប៉ាឡេស្ទីន WAFA ចំនួនអ្នកស្លាប់របស់ប៉ាឡេស្ទីន ចាប់តាំងពីការចាប់ផ្តើមបទឈប់បាញ់ក្នុងខែតុលា បានកើនដល់យ៉ាងហោចណាស់ 411 នាក់ ខណៈដែលជាង 1,100 នាក់ រងរបួស។ ក្នុងចំណោមជនរងគ្រោះថ្មីៗ មានបុរសប៉ាឡេស្ទីនម្នាក់ឈ្មោះ Uday al-Maqadma ដែលត្រូវបានបាញ់នៅភាគខាងកើតទីក្រុង Gaza និងបានស្លាប់បន្ទាប់ពីបញ្ជូនទៅមន្ទីរពេទ្យ។
នៅតំបន់ West Bank ការវាយឆ្មក់ដោយទាហានអ៊ីស្រាអែល និងការវាយប្រហារពីក្រុមអ្នកតាំងលំនៅអ៊ីស្រាអែល កាន់តែញឹកញាប់ឡើង។ កម្មករ និងកសិករប៉ាឡេស្ទីនជាច្រើនត្រូវបានវាយប្រហារ ឃុំខ្លួន ឬរារាំងមិនឲ្យធ្វើការនៅលើដីរបស់ខ្លួន៕