កាលពីថ្ងៃទី 27 ខែធ្នូ ឆ្នាំ 2025 ប្រធានាធិបតីអ៊ុយក្រែន លោក Volodymyr Zelenskyy បានបញ្ជាក់ថាលោកមានឆន្ទៈបើកចំហចំពោះការធ្វើប្រជាមតិជាតិ លើផែនការសន្តិភាពដែលអាចកើតមាន ប្រសិនបើពាក់ព័ន្ធនឹងសម្បទានទឹកដី។
ប្រភពពីសារព័ត៌មានAnadolu Agency។
លោក Zelenskyy បាននិយាយថា ទោះបីលោកមានគោលបំណងរក្សាជំហររឹងមាំលើបញ្ហាទឹកដីក៏ដោយ ប៉ុន្តែលោកត្រៀមខ្លួនស្វែងរកការយល់ព្រមពីប្រជាជនអ៊ុយក្រែន ប្រសិនបើលក្ខខណ្ឌចរចាមិនអាចកែលម្អបាន។ លោកបានបញ្ជាក់ថា ដើម្បីធានាបាននូវភាពស្របច្បាប់ និងសុវត្ថិភាពនៃការបោះឆ្នោតទូទាំងប្រទេស បទឈប់បាញ់យ៉ាងហោចណាស់60ថ្ងៃ គឺជាលក្ខខណ្ឌអប្បបរមាដែលចាំបាច់៕