កាលពីថ្ងៃទី ២៧ ខែធ្នូ ឆ្នាំ ២០២៥ ប្រទេសចិន បានចេញសេចក្តីព្រាងច្បាប់ថ្មី ដើម្បីរឹតបន្តឹងការគ្រប់គ្រងសេវាកម្មបញ្ញាសិប្បនិម្មិត (AI) ដែលរចនាឡើងឱ្យមានអន្តរកម្មដូចមនុស្ស។
ប្រភពពីសារព័ត៌មានReuters។
ច្បាប់ស្នើនេះ នឹងអនុវត្តលើផលិតផល និងសេវាកម្ម AI ទាំងឡាយដែលបង្ហាញលក្ខណៈបុគ្គលិកលក្ខណៈមនុស្ស ក្លែងធ្វើការគិត និងរចនាប័ទ្មទំនាក់ទំនង ហើយធ្វើអន្តរកម្មជាមួយអ្នកប្រើប្រាស់តាមអត្ថបទ រូបភាព សំឡេង និងវីដេអូ។ អ្នកផ្តល់សេវាត្រូវព្រមានអំពីការប្រើប្រាស់ហួសប្រមាណ និងចាត់វិធានការធ្វើអន្តរាគមន៍ នៅពេលអ្នកប្រើប្រាស់បង្ហាញសញ្ញានៃការញៀន។
ច្បាប់នេះក៏ដាក់បន្ទាត់ក្រហមលើខ្លឹមសារ ដោយហាមឃាត់ការបង្កើតមាតិកាដែលប៉ះពាល់ដល់សន្តិសុខជាតិ ផ្សព្វផ្សាយពាក្យចចាមអារ៉ាម លើកកម្ពស់អំពើហិង្សា ឬភាពអាសអាភាស ដែលបង្ហាញពីការខិតខំរបស់ប៉េកាំងក្នុងការអភិវឌ្ឍ AI ដោយភ្ជាប់ជាមួយសុវត្ថិភាព និងសីលធម៌៕