លោក Johann Wadephul រដ្ឋមន្ត្រីការបរទេសសហព័ន្ធអាល្លឺម៉ង់ បានលើកឡើងនៅលើបណ្តាញសង្គម X ថា បទឈប់បាញ់រវាងប្រទេសថៃ និងកម្ពុជា ផ្តល់ក្តីសង្ឃឹម។
បន្ទាប់ពីអំពើហិង្សាជាច្រើនសប្តាហ៍ វាគឺជាជំហានដ៏សំខាន់មួយឆ្ពោះទៅរកសន្តិសុខ និងស្ថិរភាព ជាពិសេសសម្រាប់ជនភៀសខ្លួនក្នុងស្រុក។
ឥឡូវនេះ វាជារឿងសំខាន់ដែលភាគីទាំងពីរត្រូវប្រកាន់ខ្ជាប់នូវកិច្ចព្រមព្រៀងនេះជាប់លាប់។
លោកបន្តថា ខ្ញុំសូមថ្លែងអំណរគុណយ៉ាងជ្រាលជ្រៅចំពោះប្រធានអាស៊ាន និងក្រុមសង្កេតការណ៍អាស៊ាន។
តួនាទីរបស់ពួកគេនៅតែមានសារៈសំខាន់ក្នុងការទប់ស្កាត់ការកើតឡើងវិញនៃអំពើហិង្សា។
សូមជម្រាបថា កិច្ចព្រមព្រៀងឈប់បាញ់រយៈពេល៧២ម៉ោង គឺបានធ្វើឡើងកាលពីព្រឹកថ្ងៃទី២៧.១២.២០២៥ រវាងរដ្ឋមន្ត្រីការពារជាតិកម្ពុជា និងថៃ ដោយបានចូលជាធរមាន នៅម៉ោង១២ថ្ងៃត្រង់ក្នុងថ្ងៃទី២៧.១២.២០២៥៕