ប្រធានាធិបតីអាមេរិក លោក ដូណាល់ ត្រាំ បានប្រកាសនៅលើបណ្តាញសង្គមថា ការប្រយុទ្ធគ្នារវាងថៃ និងកម្ពុជា បានបិទបញ្ចប់ ។
ដោយប្រទេសទាំងពីរ នឹងត្រឡប់ទៅរកសន្តិភាពវិញ ដោយអនុលោមតាមសន្ធិសញ្ញាដើម ដែលបានព្រមព្រៀងគ្នាកាលពីពេលថ្មីៗនេះ។
លោក ត្រាំ បានមានប្រសាសន៍ថា ខ្ញុំសូមអបអរសាទរមេដឹកនាំដ៏អស្ចារ្យទាំងពីរ ចំពោះភាពវៃឆ្លាតរបស់ពួកគេក្នុងការឈានទៅដល់ការសន្និដ្ឋានដ៏រហ័ស និងយុត្តិធម៌នេះ។
វាពិតជារហ័ស និងម៉ឺងម៉ាត់។ លោកបានបន្ថែមថា សហរដ្ឋអាមេរិកមានមោទនភាពដែលបានជួយសម្របសម្រួល។
ក្នុងសារដដែលនោះ លោក ត្រាំ បានឆ្លៀតវាយប្រហារអង្គការសហប្រជាជាតិ (UN) យ៉ាងចាស់ដៃ ដោយលើកឡើងថា សហរដ្ឋអាមេរិកហាក់បីដូចជាបានក្លាយជា អង្គការសហប្រជាជាតិពិតប្រាកដ ទៅហើយ បន្ទាប់ពីលោកបានដោះស្រាយ និងបញ្ឈប់សង្គ្រាមចំនួន៨ ក្នុងរយៈពេល១១ខែចុងក្រោយនេះ។
លោកក៏បានរិៈគន់UN ថា ហាក់ផ្តល់ជំនួយតិចតួចបំផុត ក្នុងជម្លោះនានា រួមទាំងសង្គ្រាមរវាងរុស្ស៊ី និងអ៊ុយក្រែនផងដែរ ហើយបានជំរុញឱ្យស្ថាប័នពិភពលោកមួយនេះ ចាប់ផ្តើមសកម្ម និងចូលរួមក្នុងសន្តិភាពពិភពលោក ឱ្យបានពិតប្រាកដ៕