កាលពីថ្ងៃទី ៣០ ខែធ្នូ ឆ្នាំ ២០២៥ រថភ្លើងពីរគ្រឿងបានបុកគ្នានៅលើផ្លូវដែកមួយនៃប្រទេសប៉េរូ បណ្ដាលឲ្យអ្នកបើកបររថភ្លើងម្នាក់ស្លាប់ និងមនុស្សរាប់សិបនាក់រងរបួស ក្នុងនោះប្រហែល ២០ នាក់ស្ថិតក្នុងស្ថានភាពធ្ងន់ធ្ងរ។
ប្រភពពីសារព័ត៌មានAl Jazeera។
អាជ្ញាធរបានបញ្ជាក់ថា រថភ្លើងរបស់ក្រុមហ៊ុន PeruRail បានបុកជាមួយក្បាលរថភ្លើងរបស់ Inca Rail នៅលើខ្សែផ្លូវដែកភ្ជាប់ពីទីក្រុង Ollantaytambo ទៅ Machu Picchu។ ក្រុមសង្គ្រោះបន្ទាន់ និងបុគ្គលិកវេជ្ជសាស្ត្រជាច្រើនត្រូវបានបញ្ជូនទៅកន្លែងកើតហេតុនៅតំបន់ភ្នំអង់ដេសដាច់ស្រយាល ដើម្បីជួយសង្គ្រោះអ្នករងរបួស។
Machu Picchu ជាតំបន់ទេសចរណ៍សំខាន់របស់ប្រទេសប៉េរូ ដែលទទួលភ្ញៀវជារៀងរាល់ថ្ងៃរាប់ពាន់នាក់ ហើយភាគច្រើនពឹងផ្អែកលើការធ្វើដំណើរដោយរថភ្លើង។ មូលហេតុនៃគ្រោះថ្នាក់នេះមិនទាន់ត្រូវបានបញ្ជាក់នៅឡើយ ខណៈអាជ្ញាធរកំពុងបើកការស៊ើបអង្កេត៕