យោធាសហរដ្ឋអាមេរិកបានសម្លាប់មនុស្សយ៉ាងហោចណាស់ប្រាំនាក់ ក្នុងការវាយប្រហារថ្មីមួយលើទូកដែលត្រូវបានចោទប្រកាន់ថារត់ពន្ធគ្រឿងញៀន និងបានបញ្ជាឱ្យឆ្មាំសមុទ្រចាប់ផ្តើមស្វែងរកអ្នករស់រានមានជីវិត។ បញ្ជាការភាគខាងត្បូងសហរដ្ឋអាមេរិកមិនបានបញ្ជាក់ទីតាំងនៃការវាយប្រហារនោះទេ។
ប្រភពពីសារព័ត៌មានAl Jazeera នៅថ្ងៃទី១ខែធ្នូឆ្នាំ២០២៦។
តាមយោធា ទូកចំនួនបីបានធ្វើដំណើរជាក្រុមនៅតាមផ្លូវជួញដូរគ្រឿងញៀន ហើយមានការផ្ទេរគ្រឿងញៀនរវាងគ្នាមុនពេលត្រូវវាយប្រហារ។ ក្នុងការប្រយុទ្ធលើកដំបូង មនុស្សបីនាក់ត្រូវបានសម្លាប់ ខណៈដែលអ្នកនៅសេសសល់បានលោតចូលទឹក មុនពេលទូកត្រូវបានលិច។ ការវាយប្រហារលើកទីពីរបានសម្លាប់មនុស្សពីរនាក់បន្ថែមទៀត។
សកម្មភាពយោធានេះកំពុងរងការរិះគន់ពីអ្នកតាក់តែងច្បាប់ និងអ្នកជំនាញផ្នែកច្បាប់មួយចំនួន ដែលអះអាងថាអាចជាបទឧក្រិដ្ឋ ខណៈរដ្ឋបាលប្រធានាធិបតី ដូណាល់ ត្រាំ និងសមាជិកសភាសាធារណរដ្ឋមួយចំនួននិយាយថា ការវាយប្រហារទាំងនេះស្របច្បាប់៕