ប្រធានាធិបតីចិន លោក ស៊ី ជីនពីង បានអះអាងថា ការបង្រួបបង្រួមរវាងប្រទេសចិន និងកោះតៃវ៉ាន់មិនអាចរារាំងបានទេ ខណៈភាពតានតឹងនៅតំបន់ច្រកសមុទ្រតៃវ៉ាន់កំពុងកើនឡើង។
ប្រភពពីសារព័ត៌មានAl Jazeera នៅថ្ងៃទី១ខែមករាឆ្នាំ២០២៦។
ក្នុងសុន្ទរកថាឆ្នាំថ្មីនៅទីក្រុងប៉េកាំង លោក ស៊ី បានអំពាវនាវឱ្យមានចំណងឈាម និងភាពជាញាតិសន្តានរវាងប្រជាជននៅសងខាងច្រកសមុទ្រតៃវ៉ាន់។ សុន្ទរកថានេះបានធ្វើឡើងបន្ទាប់ពីយោធាចិនបញ្ចប់សមយុទ្ធបាញ់គ្រាប់ពិតរយៈពេលពីរថ្ងៃ ជុំវិញកោះតៃវ៉ាន់ ដែលត្រូវបានពិពណ៌នាថាជាការព្រមានដ៏ម៉ឺងម៉ាត់ប្រឆាំងនឹងចលនាបំបែកខ្លួន និងការជ្រៀតជ្រែកពីបរទេស។
ប្រទេសចិនចាត់ទុកតៃវ៉ាន់ជាផ្នែកមួយនៃទឹកដីរបស់ខ្លួន ហើយមិនបដិសេធការប្រើកម្លាំង ប្រសិនបើចាំបាច់ ដើម្បីនាំកោះនេះមកស្ថិតក្រោមការគ្រប់គ្រង។ ខណៈពេលនោះ ប្រធានាធិបតីតៃវ៉ាន់ លោក William Lai Ching-te បានសន្យាថានឹងការពារអធិបតេយ្យភាពជាតិយ៉ាងរឹងមាំ និងពង្រឹងសមត្ថភាពការពារកោះនេះ ទោះមុខមហិច្ឆតាពង្រីកឥទ្ធិពលរបស់ទីក្រុងប៉េកាំងក៏ដោយ៕