កងកម្លាំងអ៊ីស្រាអែលបានសម្លាប់កុមារប៉ាឡេស្ទីនម្នាក់នៅភាគខាងជើងនៃតំបន់ហ្គាហ្សា ខណៈដែលប្រជាជនរាប់សែននាក់នៅតំបន់នេះបន្តរស់នៅក្នុងស្ថានភាពលំបាកខ្លាំង ដោយសារការរឹតបន្តឹងយ៉ាងតឹងរ៉ឹងលើជំនួយមនុស្សធម៌ និងជម្រក។
ប្រភពពីសារព័ត៌មានAl Jazeera នៅថ្ងៃទី២ខែមករាឆ្នាំ២០២៦។
ប្រភពវេជ្ជសាស្រ្តនៅមន្ទីរពេទ្យ al-Shifa បានបញ្ជាក់ថា កុមារដែលត្រូវសម្លាប់មានឈ្មោះ Youssef Ahmed al-Shandaghli ហើយហេតុការណ៍បានកើតឡើងនៅតំបន់ Jabalia an-Nazla។
ហេតុការណ៍នៃការស្លាប់នៅមិនទាន់ត្រូវបានបញ្ជាក់ច្បាស់លាស់នៅឡើយ។
សូមបញ្ជាក់ថា៖ ទោះបីមានកិច្ចព្រមព្រៀងឈប់បាញ់ដែលសម្របសម្រួលដោយសហរដ្ឋអាមេរិក និងបានចូលជាធរមានតាំងពីខែតុលា កងកម្លាំងអ៊ីស្រាអែលនៅតែបន្តវាយប្រហារនៅទូទាំងតំបន់ហ្គាហ្សា ដែលបានសម្លាប់ជនជាតិប៉ាឡេស្ទីនជាង ៤០០ នាក់ និងបណ្តាលឱ្យមនុស្សជាច្រើនទៀតរងរបួស៕