នៅថ្ងៃទី៣ ខែមករា ឆ្នាំ២០២៦ អាមេរិក ត្រូវបានរាយការណ៍មកថា បើកប្រតិបត្តិការយោធា វាយប្រហារទម្លាក់គ្រាប់បែក ទៅលើគោលដៅយោធាជាច្រើន នៅក្នុងទឹកដីវ៉េណេស៊ុយអេឡា។
ក្នុងចំណោមទីតាំងដែលរងការវាយប្រហារនោះ ត្រូវបានគេដឹងថា ក៏មានមូលដ្ឋានយោធា Fuerte Tiuna ស្ថិតនៅក្នុងទីក្រុង Caracasផងដែរ។
អ្នកប្រើប្រាស់បណ្តាញសង្គម បានរាយការណ៍ពីការហោះហើរប្រតិបត្តិការក្នុងកម្ពស់ទាបរបស់យន្តហោះ និងសកម្មភាពប្រព័ន្ធការពារដែនអាកាស ខណៈកំពង់ផែ La Guaira ក៏ត្រូវបានរាយការណ៍ថា ស្ថិតក្នុងចំណោមហេដ្ឋារចនាសម្ព័ន្ធដែលរងផលប៉ះពាល់ផងដែរ។
វីដេអូដែលបានផ្សព្វផ្សាយ លើបណ្តាញសង្គម បានបង្ហាញថា ឧទ្ធម្ភាគចក្រហោះហើរពីលើរដ្ឋធានីវេណេស៊ុយអេឡា ខណៈអ្នកវិភាគយោធាខ្លះអះអាងថា កងកម្លាំងពិសេសរបស់សហរដ្ឋអាមេរិកអាចត្រូវបានដាក់ពង្រាយនៅក្នុងប្រទេសនេះ។
គួរឱ្យដឹងថា ប្រតិបត្តិការយោធានេះបានផ្ទុះឡើង បន្ទាប់ពីរដ្ឋបាលរបស់លោក
Donald Trump បានបង្កើនការគំរាមកំហែងក្នុងរយៈពេលចុងក្រោយនេះក្នុងការផ្លាស់ប្តូររបបនៅទីក្រុង Caracas ដោយលោកត្រាំបានចោទប្រកាន់ថាជារបបបង្ហូរនូវសារធាតុញៀនចូលទៅក្នុងទឹកដីសហរដ្ឋអាមេរិក៕